নেশ্যনেল ডেস্ক, 16 ছেপ্তেম্বৰ: প্ৰয়াত অভিনেতা সুশান্ত সিং ৰাজপুতৰ মৃত্যুৰ সৈতে জড়িত নিচাজাতীয় দ্ৰব্যৰ গোচৰৰ তদন্তৰ বাবে NCB য়ে প্ৰাক্তন মেনেজাৰ শ্ৰুতি মোডী আৰু টেলেণ্ট মেনেজাৰ জয়া সাহাক সোধপোছৰ বাবে মাতি পঠিয়ায় ৷ মঙলবাৰে এই বিষয়ে জানিবলৈ দিয়ে এগৰাকী জ্যেষ্ঠ বিষয়াই ৷
NCB ৰ জ্যেষ্ঠ বিষয়া গৰাকীয়ে উল্লেখ কৰা অনুসৰি drug law enforcement agency য়ে বুধবাৰে পুৱা শ্ৰুতি মোডী আৰু সাহাক তেওঁলোকৰ মুম্বাইস্থিত কাৰ্যালয়ত হাজিৰ হ'বলৈ নিৰ্দেশ প্ৰদান কৰিছে ৷
দুয়োগৰাকীৰে সৈতে সুশান্ত আৰু তেওঁৰ প্ৰেমিকা ৰিয়া চক্ৰৱৰ্তীৰ নিচাজাতীয় দ্ৰব্য সেৱনৰ লগতে, সেইসমূহ সৰবৰাহ কৰা সন্দৰ্ভত সোধপোছ কৰা হ'ব বুলি জানিবলৈ দিয়ে বিষয়া গৰাকীয়ে ৷
উল্লেখ্য যে, ইতিমধ্যে NCB য়ে ED ৰ নিৰ্দেশমৰ্মে ৰিয়া চক্ৰৱৰ্তীসহ শৌভিক চক্ৰৱৰ্তী, ছেমুৱেল মিৰাণ্ডা আৰু কেইবাজনকো গ্ৰেপ্তাৰ কৰিছে নিচাজাতীয় সামগ্ৰীৰ লগত জড়িত গোচৰৰ বাবে ৷
লগতে পঢ়ক: SSR গোচৰ : ন্যায়িক জিম্মালৈ ড্ৰাগছ সৰবৰাহকাৰী কেশৱানী
