নিউজ ডেস্ক,18 জানুৱাৰী : ড্ৰাগছৰ সৈতে জড়িত থকাৰ অভিযোগত 14 দিনৰ ন্যায়িক জিম্মালৈ প্ৰেৰণ কৰা হৈছে মহাৰাষ্ট্ৰৰ মন্ত্ৰী নৱাব মালিকৰ জোঁৱাই সমীৰ খানক ৷ 13 জানুৱাৰীত আটক কৰা হৈছিল সমীৰ খানক ৷ সোমবাৰে আদালতত হাজিৰ কৰোৱাৰ পূৰ্বে চিকিৎসালয়ত স্বাস্থ্য পৰীক্ষা কৰা হয় সমীৰ খানৰ ৷ সমীৰে গাঞ্জাৰে চিবিডি তেল আৰু অন্যান্য ৰয়ায়নিক দ্ৰব্য মিশ্ৰণ ঘটাব বিচৰা সন্দৰ্ভত এটি বাৰ্তালাপৰ তথ্য লাভ কৰে নাৰ্কোটিকছ কন্ট্ৰ’ল ব্যুৰ’ই ৷
এন চি বিয়ে কয় যে, ড্ৰাগছ ব্যৱসায়ৰ সৈতে জড়িত আছিল সমীৰ ৷ ইতিমধ্যে এই সন্দৰ্ভত সমীৰ আৰু কৰণ নামৰ এজন লোকৰ মাজত প্ৰায় 20,000 টকাৰ লেন-দেন হৈছে ৷ উল্লেখ্য যে, বিগত 14 জানুৱাৰীত নৱাব মালিকে এক টুইটযোগে কৈছিল ‘আইনৰ উৰ্ধত কোনো নহয়, কোনো ভেদভাৱ নকৰাকৈ আইন সকলোৰে বাবে সমান হোৱা উচিত ৷ আইনে নিজৰ কাম কৰি যাব আৰু দোষীক উচিত শাস্তি প্ৰদান কৰিব ৷’
লগতে পঢ়ক- প্ৰতিষেধক প্ৰস্তুত কৰি ভাৰতে চীনা ভাইৰাছৰ পৰা মানৱতাক ৰক্ষা কৰিছে : আৰএছএছ নেতা
