নিউজ ডেস্ক, 13 এপ্ৰিলঃ 14 এপ্ৰিলত প্ৰধানমন্ত্ৰী নৰেন্দ্ৰ মোডীয়ে জাৰি কৰা দেশৰ 21 দিনীয়া লকডাউন সমাপ্ত হ'ব । এই লক ডাউনৰ সময় বঢ়াবলৈ মিজোৰাম চৰকাৰ আৰু কেবিনেটে চিন্তা-চৰ্চা কৰিছে বুলি এক সূত্ৰই প্ৰকাশ কৰিছে ।
কৰ'ণা ভইৰাচ সংক্ৰমণ ৰোধৰ বাবে যোৱা 25 মাৰ্চৰ পৰা কাৰ্যকৰি হোৱাকৈ প্ৰধনমন্ত্ৰী নৰেন্দ্ৰ মোডীয়ে লক ডাউন ঘোষণা কৰিছিল ।
প্ৰধানমন্ত্ৰী মোডীয়ে লক ডাউন বৃদ্ধিৰ প্ৰসংগত আলোচনা কৰিবলৈ শনিবাৰে ৰাজ্যসমূহৰ মুখ্য়মন্ত্ৰীৰ সৈতে ভিডিঅ' কনফাৰেন্স যোগে এক বৈঠকত মিলিত হৈছিল । অৱশ্যে লক ডাউন বৃদ্ধি সম্পৰ্কে মোডীয়ে এই মুহূৰ্তলৈ কোনো আনুষ্ঠানিক ঘোষণা আগবঢ়োৱা নাই ।
মিজোৰামৰ স্বাস্থ্য মন্ত্ৰী ডা৹ আৰ লালঠানগ্লিয়ানাই কয় যে, সোমবাৰে ৰাজ্যখনৰ কেবিনেট মিলিত হৈ লক ডাউন বৃদ্ধি সম্পৰ্কে সিদ্ধান্ত গ্ৰহণ কৰিব ।
মিজোৰামত এই প্ৰৰ্যন্ত এটা COVID-19 পজিটিভ কেচ পোৱা গৈছ । কিন্তু লক ডাউন উঠোৱাৰ পাচত চুবুৰীয়া অঞ্চলৰ পৰা যোৱা লোক বা অন্য ৰাজ্যৰ পৰা অহা লোকৰ পৰা এই ৰোগ বিয়পিব পৰাৰ শংকা আছে । মিজোৰামে অসম, মণিপুৰ আৰু ত্ৰিপুৰাৰ লগতে বাংলাদেশ আৰু ম্যানমাৰৰ সৈতে 722 কিলমিটাৰ আন্তৰাষ্ট্ৰীয় সীমান্ত স্পৰ্শ কৰি আছে ।
আনহাতে লকডাউনৰ ফলত দেশ-বিদেশৰ ভিন্ন প্ৰান্তত আবদ্ধ হৈ পৰা মিজো লোকসকলক লৈ চৰকাৰ চিন্তিত বুলি চৰকাৰী সূত্ৰই প্ৰকাশ কৰে ।
