নিউজ ডেস্ক, ২৪ জুলাইঃ কেৰালাৰ সোণ কেলেংকাৰী সন্দৰ্ভত ৰাষ্ট্ৰীয় অনুসন্ধান সংস্থা (NIA)য়ে শুকুৰবাৰে কেৰালাৰ মুখ্যমন্ত্ৰীৰ পিনাৰাই বিজয়নৰ প্ৰাক্তন প্ৰধান সচিব এম শিৱশংকৰলৈ জাননী জাৰী কৰে । য'ত প্ৰাক্তন প্ৰধান সচিব গৰাকীক ২৭ জুলাইত কোচিৰ ৰাষ্ট্ৰীয় অনুসন্ধান সংস্থা (NIA)ৰ কাৰ্যালয়ত উপস্থিত হ'বলৈ নিৰ্দেশ দিয়ে । আনহাতে, বৃহস্পতিবাৰে ৫ ঘণ্টা ধৰি NIA য়ে সোধপোছ কৰে এম শিৱশংকৰক । এই সোধপোছৰ অন্ততে সোণ কেলেংকাৰীৰ সন্দৰ্ভত প্ৰথম অভিযুক্ত সৰিথৰ গুৰুত্বপূৰ্ণ ভূমিকা আছে বুলি মত ব্যক্ত কৰে এম শিৱশংকৰে ।
ইতিমধ্যে কেৰালাৰ সোণ কেলেংকাৰীত অভিযুক্তৰ সৈতে ঘনিষ্ঠ সম্বন্ধ থকাৰ বাবেই মুখ্যমন্ত্ৰী পিনাৰায় বিজয়নৰ মুখ্য সচিব আৰু তথ্যপ্ৰযুক্তিৰ সচিব পদৰ পৰা নিলম্বন কৰে ।
উল্লেখ্য যে, বিগত ৫ জুলাইত সীমা শুক্ল বিভাগে জব্দ কৰে ৩০ কিলোগ্ৰাম সোণ । যাৰ বজাৰ মূল্য প্ৰায় ১৫ কোটি টকা হ'ব বুলি জানিবলৈ দিয়ে সীমা শুক্ল বিভাগে । আনহাতে, ঘটনা সন্দৰ্ভত ৰাষ্ট্ৰীয় অনুসন্ধান সংস্থাক তদন্তৰ বাবে দায়িত্ব অৰ্পন কৰে ৰাজ্য চৰকাৰে । ৰাষ্ট্ৰীয় অনুসন্ধান সংস্থাই চলোৱা এই তদন্তৰ ভিত্তিতে Unlawful Activities (Prevention) Act ৰ অধীনত চাৰিজন অভিযুক্ত ক্ৰমে সৰিথ, স্বপ্ন সুৰেশ, সন্দীপ নায়াৰ আৰু ফছিল ফৰিদক আটক কৰে ।
লগতে পঢ়ক : ক'ভিড কেয়াৰ চেন্টাৰত কিশোৰীক যৌন নিৰ্যাতন
