নিউজ ডেস্ক,9 ডিচেম্বৰ : জম্মু-কাশ্মীৰৰ পুলৱামাৰ টিকেন এলেকাত বুধবাৰে সন্ত্ৰাসবাদী আৰু নিৰাপত্তাৰক্ষীৰ মাজত হোৱা সংঘৰ্ষত দুই অল-বাদৰ সন্ত্ৰাসবাদী নিহত হোৱাৰ লগতে এগৰাকী সুৰক্ষা জোৱান আঘাতপ্ৰাপ্ত হয় ৷ জম্মু-কাশ্মীৰ আৰক্ষীয়ে এই তথ্য সদৰি কৰে ৷
এই সংঘৰ্ষত অন্য 2-3 টা সন্ত্ৰাসবাদী আটক হোৱাৰ অনুমান কৰা হৈছে ৷ ঘটনাস্থলীত ইতিমধ্যে আইন শৃংখলা পৰিস্থিতি বজাই ৰাখি ইণ্টাৰনেট সেৱা স্তব্ধ কৰি দিয়া হৈছে ৷
উল্লেখ্য যে, পুলৱামাৰ টিকেন এলেকাত এই সংঘৰ্ষৰ আৰম্ভণি হয় ৷ ইয়াৰ পূৰ্বে 19 নৱেম্বৰত নাগ্ৰোটা এলেকাত হোৱা গুলীয়াগুলিত চাৰি সন্ত্ৰাসবাদীক নিষ্ক্ৰীয় কৰা হৈছিল ৷
সূত্ৰই জনোৱা মতে, ইয়াৰ মাজৰ তিনিটা সন্ত্ৰাসবাদী জইছ-ই-মহম্মদৰ সদস্য আছিল ৷ সন্ত্ৰাসবাদী কেইটাই পূৰ্ব পৰিকল্পনাৰে ভাৰতত প্ৰৱেশ কৰা চেষ্টা কৰিছিল ৷ এই সন্দৰ্ভত তদন্ত অব্য়াহত আছে ৷
লগতে পঢ়ক : UNSC বিষয় সন্দৰ্ভত ভাৰত-নৰৱে’ৰ দ্বিপাক্ষিক বৈঠক
