নিউজ ডেস্ক, ১৬ মাৰ্চঃ পুনৰ সন্ত্ৰাসবাদীৰ হাতত নিহত জম্মু কাশ্মীৰ আৰক্ষীত কৰ্মৰত জোৱান ৷ শনিবাৰে ৰাজ্যখনৰ চোপিয়ান জিলাত সংঘটিত হয় এই ঘটনা ৷
চোপিয়ানৰ ভেহিল গাঁওৰ নিজা বাসভৱনত সন্ত্ৰাসবাদীয়ে গুলীয়াই হত্যা কৰে এগৰাকী মহিলা আৰক্ষীক ৷ ৰাজ্যখনৰ আৰক্ষী বিভাগে সংবাদমেলযোগে সদৰী কৰিছে এই কথা ৷ গুলীচালনাত বিশেষভাৱে আঘাতপ্ৰাপ্ত হোৱা মহিলা আৰক্ষীগৰাকীৰ স্থানীয় চিকিৎসালয়ত মৃত্যু হয় ৷ নিহত মহিলা আৰক্ষীগৰাকী খুচবু জান বুলি জনাইছে স্থানীয় আৰক্ষীয়ে ৷
মহিলা আৰক্ষী বিষয়াক গুলীয়াই হত্যা
ইতিমধ্যে ঘটনা সন্দৰ্ভত স্থানীয় আৰক্ষীয়ে এক গোচৰ ৰুজু কৰিছে ৷ আনহাতে সন্ত্ৰাসবাদীৰ সন্ধানত আৰক্ষী আৰু সেনাই সমগ্ৰ অঞ্চলটোতে অভিযান আৰম্ভ কৰিছে ৷ উল্লেখ্য যে, যোৱাকালি অৰ্থাৎ ১৫মাৰ্চ শুক্ৰবাৰে ৰাজ্যখনৰগুলজাৰপোৰাত এগৰাকী চল্লিশ বছৰীয়া লোকক গুলীয়াই হত্যা কৰিছিল সন্ত্ৰাসবাদীয়ে ৷
