বাংগালুৰু, 28 নৱেম্বৰ: পৃথিৱীৰ কক্ষপথৰ নিচেই কাষতে ক্ৰমাৎ ওচৰ চাপিছে ভাৰত আৰু ৰাছিয়াৰ দুই উপগ্ৰহ ৷ ভাৰতৰ CARTOSAT-2F আৰু ৰাছিয়াৰ Kanopus-V নামৰ এই দুটা উপগ্ৰহ অতি বিপদজনকভাৱে কাষ চাপিছে বুলি জানিব পৰা গৈছে ৷ ইয়াৰ প্ৰতি লক্ষ্য ৰাখি ভাৰতীয় মহাকাশ গৱেষণা প্ৰতিষ্ঠান (ইছৰ’) আৰু ৰাছিয়াৰ মহাকাশ সংস্থা ‘ROSCOSMOS’ য়ে খুউব সূক্ষ্মভাৱে সমগ্ৰ ঘটনা নিৰীক্ষণ কৰি আছে ৷
ভাৰতীয় মহাকাশ গৱেষণা প্ৰতিষ্ঠান (ইছৰ’) ৰ সূত্ৰই ইটিভি ভাৰতক জানিবলৈ দিয়া মতে বিগত চাৰি দিনৰ পৰা ইছৰ'ই সমগ্ৰ প্ৰক্ৰিয়া লক্ষ্য কৰি আছে ৷ ইছৰ'ই লগতে এই কথাও জানিবলৈ দিয়ে যে যদিহে ৰাছিয়ান উপগ্ৰহটো 150 মিটাৰতকৈ বেছি কাষলৈ আহে তেতিয়া ইছৰ'ই সাৱধানেৰে সকলো নিয়ন্ত্ৰণ কৰিবলৈ চেষ্টা কৰিব ৷ ইছৰ'ৰ মতে CARTOSAT-2Fৰ পৰা Kanopus-V এতিয়াও 420 মিটাৰ দূৰতে অৱস্থান কৰি আছে ৷
CARTOSAT-2F এতিয়াও কাৰ্যক্ষম হৈ আছে ৷ 2018 চনৰ 12 জানুৱাৰীত শ্ৰীহৰিকোটাৰ পৰা ইয়াক উৎক্ষেপণ কৰা হৈছিল ৷
লগতে পঢ়ক:বিদ্যাৰ্থী অভিভাৱকৰ সৈতে আলোচনাত মিলিত হ'ব কেন্দ্ৰীয় শিক্ষা মন্ত্ৰী
