নিউজ ডেস্ক, 30 এপ্ৰিলঃ ৰাজনীতিৰ পৰা অৱসৰ লোৱাৰ কথা প্ৰকাশ কৰিছে দেশৰ উপ-ৰাষ্ট্ৰপতিয়ে ৷ দেশৰ দ্বিতীয়গৰাকী সাংবিধানিক মুৰব্বী নাইডুয়ে নতুন দিল্লীৰ এখন মহাবিদ্যালয়ৰ বাৰ্ষিক বঁটা বিতৰণী সভাত অংশগ্ৰহণ কৰি এই কথা ঘোষণা কৰিছে ৷
আৰু পঢ়কঃ গৱেষক ছাত্ৰ জড়িত আছিল কাশ্মীৰৰ কাৰ বোমা বিস্ফোৰণত
নতুন দিল্লীস্থিত শ্যাম লাল মহাবিদ্যালয়ৰ 55সংখ্যক বাৰ্ষিক বঁটা বিতৰণী সভাত অংশগ্ৰহণ কৰে ভাৰতৰ উপ-ৰাষ্ট্ৰপতি ভেংকায়া নাইডুৱে ৷ বঁটা বিতৰণী সভাত অংশগ্ৰহণ কৰি নিজৰ শৈক্ষিক জীৱনৰ লগতে ৰাজনৈতিক জীৱনৰ স্মৃতি সোঁৱৰি নষ্টালজিক হৈ পৰে উপ-ৰাষ্ট্ৰপতিগৰাকীয়ে ৷ 1977 চনত বিশ্ববিদ্যালয়ত পঢ়ি থকা সময়ৰে পৰাই সক্ৰিয় ৰাজনীতিৰ সৈতে জড়িত হৈ পৰিছিল ভেংকায়া নাইডু ৷ পৰৱৰ্তী সময়ত ভাৰতৰ উপ-ৰাষ্ট্ৰপতিৰ দৰে সন্মানীয় আসনত অধিষ্ঠিত হোৱাৰে পৰা সক্ৰিয় ৰাজনীতি পৰিত্যাগ কৰাৰ লগতে কোনো ৰাজনৈতিক দলৰ সৈতে সম্পৰ্ক নাই বুলি উল্লেখ কৰে নাইডুৱে ৷ আনহাতে ৰাজনীতিৰ পৰা অৱসৰ ল'লেও সমাজ জীৱনৰ পৰা কেতিয়াও অৱসৰ নলয় আৰু তাৰ বাবে মহাবিদ্যালয়খনৰ সভাত উপস্থিত থাকিব পাৰিছো বুলি কয় নাইডুৱে ৷
