নিউজ ডেক্স, জুলাই ১: গুগলে নিৰ্মাণ কৰিব এক নতুন প্ৰাইভেট সাগৰীয় কেবল প্ৰকল্প। দক্ষিণ আফ্ৰিকা আৰু পৰ্টুগালক এই সাগৰীয় কেবলৰ দ্বাৰা সংযোগ কৰাৰ লক্ষ্য গুগলৰ। টেক্ন'ক্ৰানছৰ প্ৰতিবেদন অনুসৰি প্ৰস্তাৱিত এই প্ৰকল্পৰ নাম হ'ল ইকোয়ানো আৰু ইয়াৰ নিৰ্মাণ কৰিব এলকেটল ছাবমেৰিণ নেটৰ্ৱকে।
নতুন 'সাগৰীয় কেবল' নিৰ্মাণৰ প্ৰস্তাৱ গুগলৰ
এই নতুন কেবল নেটৰ্ৱক অঞ্চলটোৰ বৰ্তমান কাৰ্যক্ষম কেবলতকৈ ২০ গুণ অধিক ক্ষমতাসম্পন্ন। এই প্ৰকল্পৰ প্ৰথম অংশ ২০২১ৰ ভিতৰত সম্পূৰ্ণ কৰা হ'ব। উল্লেখযোগ্য যে প্ৰখ্যাত নাইজেৰিয়ান লিখক তথা বৰ্ণবাদ বিৰোধী নেতা অলোদাহ ইকোয়ানোৰ নামত এই প্ৰকল্পৰ নামকৰণ কৰা হ'ব। ই বিশ্বৰ প্ৰথমটো সাগৰীয় কেবল প্ৰকল্প য'ত অপটিকেল চুইটছ আৰু ফাইবাৰ সংযোগৰ ব্যৱস্থা সংলগ্ন কৰা হৈছে।
