নিউজ ডেস্ক, ১৪ জুনঃ উত্তৰ প্ৰদেশৰ ফিৰোজবাদত ব্যাহত ৰে'ল চলাচল । ফিৰোজবাদ জিলাৰ আউটাৰ ছিকোহাবাদ ৰে'ল ষ্টেছনত এখন তিনিটা ডবাযুক্ত মালবাহী ৰে'ল লাইনচ্যুত হোৱা ফলতেই বহু ঘন্টা ধৰি অব্যাহত হৈ থাকে ৰে'ল সেৱা । লাইনচ্যুত হোৱা মালগাড়ীখন ফিৰোজবাদৰ পৰা ছিকোহাবাদলৈ গৈ থকা অৱস্থাতে সংঘটিত হয় এই ঘটনা ।
ঘটনাত কোনো লোক হতাহত হোৱা নাই যদিও দিল্লী-হাওড়া ৰে'ল পথত শনিবাৰে কানপুৰ আৰু দিল্লীলৈ চলিব লগা মুঠ ১২ খন ৰে'ল সেৱা ব্যাহত কৰিব লগা হয় ।
আনহাতে, ৰে'ল লাইনৰ পৰা ডবা সমূহ উঠাই পুনৰ ৰে'ল সেৱা আৰম্ভ কৰা হৈছে বুলি মন্তব্য কৰে উত্তৰ প্ৰদেশৰ মধ্য ৰে'লৱেৰ জন সম্পৰ্কৰক্ষী বিষয়া অজিত কুমাৰ সিঙে ।
