নতুন দিল্লী,25 নৱেম্বৰ: মায়াপুৰী অঞ্চলত উচ্চ ক্ষমতা সম্পন্ন বিদ্যুত পৰিবাহী তাঁৰৰ পৰা জুইৰ সূত্ৰপাত ঘটি ভয়াৱহ অগ্নিকাণ্ডৰ সৃষ্টি হৈছে ৷ জুয়ে মুহুৰ্ততে অঞ্চলটোৰ অন্য ব্যৱসায়িক প্ৰতিষ্ঠানসমূহ ছানি ধৰাত কেইবাটাও চিলিণ্ডাৰৰ বিস্ফোৰণ ঘটে ৷ তদুপৰি অগ্নিকাণ্ডটোত জাহ যায় একাংশ ব্যৱসায়িক প্ৰতিষ্ঠানৰ লগতে এখন মটৰ চাইকেল ৷ এই খবৰ লাভ কৰাৰ লগে লগে ঘটনাস্থলীত উপস্থিত হয় অগ্নি নিৰ্বাপক বাহিনী, আৰক্ষী আৰু এম্বুলেঞ্চ ৷
ইন্দ্ৰপ্ৰস্থ গেছ পাইপলাইনৰ কাম কৰি থকাৰ পৰিপ্ৰেক্ষিতত এক সাম্ভাব্য দুৰ্ঘটনাৰ পৰা ৰক্ষা পৰে অঞ্চলটো ৷ চিলিণ্ডাৰ বিস্ফোৰণৰ ফলত মুহুৰ্ততে বিয়পি পৰে জুই ৷ এখন ব্যৱসায়িক প্ৰতিষ্ঠানৰ গৰাকীৰ লগতে পত্নীয়ে এই অগ্নিকাণ্ডৰ ফলত সামান্য পৰিমাণে আহত হয় ৷
লগতে চাওকঃ চৰকাৰী বাসগৃহত উপস্থিত হৈ গগৈৰ পৰিয়ালক সান্ত্বনা ৰাহুল গান্ধীৰ
