নেশ্বনেল ডেস্ক, 30 ডিচেম্বৰঃ নতুন দিল্লীৰ লোক কল্যান মাৰ্গস্থিত প্ৰধানমন্ত্ৰীৰ চৰকাৰী বাসগৃহত সংঘটিত অগ্নিকাণ্ডৰ ঘটনা ৷ সোমবাৰে নিশা প্ৰায় 8 বজাৰ সময়ত সংঘটিত হয় অগ্নিকাণ্ডৰ ঘটনাটো ৷ ঘটনাস্থলীলৈ 9খনকৈ অগ্নিনিৰ্বাপক বাহিনীৰ বাহনৰ ঢাপলি ৷ বৰ্তমানে জুই নিৰ্বাপিত যদিও ক্ষয়-ক্ষতিৰ পৰিমান জানিব পৰা হোৱা নাই ৷
ইতিমধ্যে ঘটনা সন্দৰ্ভত প্ৰধানমন্ত্ৰীৰ কাৰ্যালয়ৰ পৰা স্পষ্টীকৰণ দিয়া হৈছে ৷ প্ৰধানমন্ত্ৰীৰ কাৰ্যালয়ে টুইটযোগে অগ্নিকাণ্ডৰ কথা ঘোষণা কৰে ৷ অৱশ্যে অগ্নিকাণ্ড প্ৰধানমন্ত্ৰীৰ বাসগৃহৰ সুৰক্ষাৰ বাবে থকা নিৰাপত্তাৰক্ষীৰ বেৰেকত সংঘটিত হৈছিল বুলি টুইটটোত প্ৰকাশ কৰা হয় ৷ ইতিমধ্যে অগ্নিকাণ্ড নিৰ্বাপিত কৰিবলৈ সক্ষম হৈছে অগ্নিনিৰ্বাপক বাহিনীয়ে ৷
