নিউজ ডেস্ক,৪জুলাই: দেশৰ আয়কৰ বিভাগে অৱগত কৰিলে যে, বিত্তীয় বৰ্ষ ২০১৯-২০ৰ আয়কৰ জমা দিয়াৰ অন্তিম সময়সীমা ৩০ নৱেম্বৰলৈ বৃদ্ধি কৰা হ'ল । মহামাৰী ক'ৰণাৰ বাবে বৰ্তমান দেশত সৃষ্টি হোৱা পৰিস্থিতিৰ ওপৰত ভিত্তি কৰি বিভাগে কৰ আদায় লোৱাৰ সময়সীমা বৃদ্ধি কৰা হৈছে । সেয়েহে এতিয়া কৰ জমা দিয়াৰ সময়সীমা বৃদ্ধি কৰি চলিত বৰ্ষৰে ৩০ নৱেম্বৰলৈ আগুৱাই দিয়া হ'ল । বিষয়টো উল্লেখ কৰি আয়কৰ বিভাগে সদৰি কৰিলে এই কথা ।
ইয়াৰ পূৰ্বে ভাৰত চৰকাৰে সংশোধিত আয়কৰ জমা(Revised ITR) দিয়াৰ সময়সীমা ৩০জুলাই, ২০২০চনলৈকে বঢ়াই দিছিল ।
তাৰোপৰি আধাৰ নম্বৰৰ লগত পেন নম্বৰ লিংক কৰাৰ অন্তিম সময়সীমাও বৃদ্ধি কৰি ২০২১ চনৰ ৩১ মাৰ্চলৈ বঢ়াই দিয়া হৈছে ।
