কাশ্মীৰ সন্দৰ্ভত ভাৰতৰ প্ৰধানমন্ত্ৰী, অজিত ডোভাল সৈতে মিলিত হ’ল ইউৰোপিয়ান সংঘৰ প্ৰতিনিধিৰ দল

কাশ্মীৰ ভ্ৰমণলৈ যাব ইউৰোপিয়ান সংঘৰ 28 জনীয়া প্ৰতিনিধিৰ দল ৷ এই সন্দৰ্ভত সোমবাৰে ভাৰতৰ প্ৰধানমন্ত্ৰীকে ধৰি উপ-ৰাষ্ট্ৰপতি আৰু ভাৰতৰ ৰাষ্ট্ৰীয় সুৰক্ষা বাহিনীৰ প্ৰমুখ্য অজিত ডোভালৰ সৈতে আলোচনাত মিলিত হয় ইউৰোপিয়ান সংঘৰ প্ৰতিনিধিৰ দলটো ৷

নিউজ ডেস্ক, 28 অক্টোবৰ: সোমবাৰে ভাৰতৰ প্ৰধানমন্ত্ৰী নৰেন্দ্ৰ মোডী আৰু ভাৰতৰ ৰাষ্ট্ৰীয় সুৰক্ষা বাহিনীৰ প্ৰমুখ্য অজিত ডোভালৰ সৈতে মিলিত হয় ভাৰত ভ্ৰমণলৈ অহা ইউৰোপিয়ান সংঘৰ এটা প্ৰতিনিধিৰ দল ৷

মঙলবাৰে কাশ্মীৰ ভ্ৰমণলৈ যাব ইউৰোপিয়ান সংঘৰ প্ৰতিনিধি দলটো ৷ যাৰ বাবে সোমবাৰে অজিত ডোভাল,উপ-ৰাষ্ট্ৰপতি ভেংকয়া নাইডুৰ সৈতে মিলিত হয় প্ৰতিনিধি দলটো ৷ দলটোৱে 370 অনুচ্ছেদ প্ৰত্যাহাৰৰ পাচত বৰ্তমানৰ কাশ্মীৰৰ পৰিস্থিতি সন্দৰ্ভত আলোচনাত মিলিত হয় ৷ চৰকাৰী তথ্য অনুসৰি দলটোৱে মঙলবাৰে কাশ্মীৰ ভ্ৰমণলৈ ৰাওনা হ’ব ৷ 28 জনীয়া প্ৰতিনিধিৰ দলটোৱে সোমবাৰে ভাৰতৰ উপ-ৰাষ্ট্ৰপতি ভেংকায় নাইডুৰ সৈতেও মিলিত হয় ৷

• লগতে চাওক-মুখ্যমন্ত্ৰী আঠ নম্বৰৰ সন্তান, হিমন্ত চাৰি নম্বৰৰ: আজমল