চত্তিশগড়,18 মে': সপ্তম পৰ্যায়ৰ নিৰ্বাচনী প্ৰচাৰ অন্ত পৰাৰ পাচত শুকুৰবাৰে নিশা পাঠানকোটত নিৰ্বাচনী সভাত অংশগ্ৰহণ কৰিছিল বিজেপি প্ৰাৰ্থী ছানী দেউলে ৷ প্ৰায় দুশ লোক উপস্থিত থকা নিৰ্বাচনী সভাখনত ব্যৱহাৰ কৰা হৈছিল স্পীকাৰ ৷ নিৰ্বাচনী বিধি উলংঘা কৰাৰ অভিযোগত প্ৰাৰ্থী গৰাকীলৈ নিৰ্বাচন আয়োগৰ তৰফৰ পৰা জাৰি কৰা হৈছে জাননী ৷
উল্লেখযোগ্য যে, নিৰ্বাচনী বিধি অনুসৰি নিৰ্বাচনৰ 48 ঘণ্টা পূৰ্বৰে পৰা নিৰ্বাচনী প্ৰচাৰত আৰোপ কৰা হয় নিষেধাজ্ঞা ৷ দেওবাৰে অনুষ্ঠিত হ'ব লগীয়া অন্তিম পৰ্যায়ৰ লোকসভাৰ নিৰ্বাচনত পঞ্জাৱৰ 13 টা লোকসভা সমষ্টিৰ বাবে অনুষ্ঠিত হ'ব নিৰ্বাচন ৷ শেহতীয়াকৈ বিজেপিত যোগদান কৰা অভিনেতা ছানী দেউলে গুৰদাসপুৰ লোকসভা সমষ্টিৰ পৰা প্ৰতিদ্বন্দ্বিতা আগবঢ়াইছে ৷
