মাছুল (ইৰাক), 22 মাৰ্চঃ ইৰাকৰ মাচুলত বৃহস্পতিবাৰে নিশা সংঘটিত হয় ফেৰী দুৰ্ঘটনা ৷ দুৰ্ঘটনাত 100 জন লোক নিহত হোৱাৰ বিপৰীতে আহত হয় কেইবাগৰাকীও যাত্ৰী ৷ এই পৰ্যন্ত 12 জন লোক উদ্ধাৰ কৰিবলৈ সক্ষম হৈছে উদ্ধাৰকাৰী দলে ৷ তদুপৰি ঘটনাস্থলীলৈ এম্বুলেঞ্চ আৰু হেলিকপ্টাৰ প্ৰেৰণ কৰা হৈছে ৷
আনহাতে, ফেৰীত যাত্ৰা কৰা সৰহসংখ্যক যাত্ৰীয়ে সাঁতুৰিব নাজানে বুলি প্ৰকাশ কৰে অসামৰিক নিৰাপত্তা সংস্থাই ৷প্ৰকাশিত তথ্য অনুসৰি, চহৰখনৰ পৰা চাৰি কিলোমিটাৰ দূৰত্বত থকা উম্ম ৰাবেন দ্বীপলৈ গৈ থকা অৱস্থাত সংঘটিত হয় এই দুৰ্ঘটনাটো ৷ ইৰাকৰ প্ৰধানমন্ত্ৰী আদিল আব্দুল মেহদিয়ে ঘটনাৰ তদন্ত কৰিবলৈ আদেশ দিয়াৰ লগতে ঘটনাটো অত্যন্ত দুখজনক বুলিওউল্লেখ কৰে ৷
