নেশ্যনেল ডেস্ক, 28 ডিচেম্বৰ : দেশৰ ৰাজধানী দিল্লীত শীতৰ প্ৰকোপ প্ৰতিদিনে বৃদ্ধি পাইছে ৷ শনিবাৰৰ দিনা 3 ডিগ্ৰীলৈ তাপমান হ্ৰাস পোৱা পৰিলক্ষিত হ'ল ৷ আনহাতে, এইবাৰৰ শীতে 100 বছৰীয়া অভিলেখ ভংগ কৰে বুলি জানিব পৰা হৈছে ৷ দিল্লীৰ কিছু অংশত তাপমান 2.4 ডিগ্ৰীলৈও হ্ৰাস পোৱা বুলি উল্লেখ কৰা হৈছে ৷
দিল্লীত প্ৰচণ্ড শীত
দিল্লীবাসীয়ে জানিবলৈ দিয়া অনুসৰি, এই শীতৰ প্ৰকোপত তেওঁলোকৰ দৈনন্দিন কাম-কাজত বাধা আহি পৰিছে ৷
আনহাতে, বিদ্যালয়-মহাবিদ্যালয়ৰ ছাত্ৰ-ছাত্ৰীসকলেও ঠাণ্ডাৰ ফলত যথেষ্ট সমস্যাত ভুগিব লগা হৈছে ৷ ছাত্ৰ-ছাত্ৰীসকলৰ স্বাস্থ্যৰ প্ৰতি লক্ষ্য ৰাখি বন্ধ ঘোষণা কৰিব লাগে বুলিও মন্তব্য কৰে বহুলোকে ৷
ইফালে বতৰ বিভাগে জানিবলৈ দিয়া অনুসৰি, দিল্লীবাসীয়ে আৰু এক সপ্তাহ এই ঠাণ্ডাৰ সৈতে যুঁজিব লাগিব ৷
আৰু পঢ়ক : CAA বিৰোধীক সমৰ্থনৰ লক্ষ্যৰে অসম ভ্ৰমণ কৰিব ৰাহুল গান্ধীয়ে
