নেশ্যনেল ডেস্ক, ২৮ মে': ৰাঁচীৰ চানহো ব্লকৰ এখন সামুহিক স্বাস্থ্য কেন্দ্ৰৰ চিকিৎসকৰ দ্বাৰা এগৰাকী লোকক মৃত বুলি ঘোষণা কৰা হৈছিল । কিন্তু লোকজনৰ মৰণোত্তৰ পৰীক্ষাৰ প্ৰস্তুতি কৰি থকাৰ সময়ত তেওঁ উশাহ লৈ আছিল বুলি জানিবলৈ দিয়ে পৰিয়ালৰ লোকে ।
পৰিয়ালৰ লোকে এই বিষয়ে ততাতৈয়াকৈ স্বাস্থ্য বিষয়া সকলক অৱগত কৰিছিল আৰু সেই মৰ্মে লোকজনক জৰুৰীকালীন বিভাগলৈ নিয়া হৈছিল যদিও স্বাস্থ্য কেন্দ্ৰটোৰ লোকে পুনৰবাৰ তেওঁক মৃত বুলি ঘোষণা কৰে । নিহত লোকজন খাৰতা গাঁৱৰ নিবাসী আছিল । গাঁৱৰ এটা তম্বু ভাঙি থকাৰ সময়ত উচ্চ ক্ষমতাসম্পন্ন বিদ্যুতৰ তাঁৰৰ সংস্পৰ্শত আহিছিল লোকজন ।
