নিউজ ডেস্ক, ১৫ জুনঃ উত্তৰ প্ৰদেশৰ নিজ ৰাজ্যলৈ উভতি অহা প্ৰায় ১৬,৪৬,৩১২ গৰাকী প্ৰব্ৰজনকাৰী শ্ৰমিকৰ সমীক্ষা চলাইছে আশা কৰ্মীয়ে । ৰাজ্যখনৰ স্বাস্থ্য বিভাগৰ মুখ্য সচিব অমিত মোহন প্ৰসাদে সোমবাৰে প্ৰকাশ কৰে এই তথ্য ।
প্ৰায় ১৬,৪৬,৩১২ গৰাকী প্ৰব্ৰজনকাৰী শ্ৰমিকৰ ভিতৰত ১,৪৫৫ গৰাকী শ্ৰমিকৰ দেহত পোৱা গৈছে কোভিড-১৯ৰ লক্ষণ । উত্তৰ প্ৰদেশৰ স্বাস্থ্য মন্ত্ৰণালয়ে প্ৰকাশ কৰা তথ্য অনুসৰি এইপৰ্যন্ত ৰাজ্যখনত ১৩,৬১৫ গৰাকী লোকৰ কোভিড-১৯ পজিটিভ পোৱা গৈছে । ইয়াৰে ৪,৯৪৮ গৰাকী লোক চিকিৎসাধীন অৱস্থাত থকাৰ বিপৰীতে আৰোগ্য লাভ কৰিছে ৮,২৬৮ গৰাকী লোকে । আনহাতে, ৰাজ্যখনত এই মহামাৰীত মৃত্যুমুখত পৰিছে ৩৯৯ গৰাকী ৰোগী ।
