নিউজ ডেস্ক,22 জুনঃ দেওবাৰৰ দিনটোত ভাৰতত সৰ্বাধিক 15,158 গৰাকী লোকৰ দেহত ধৰা পৰিছে কোভিড-১৯ ৰ অৱস্থিতি । ইয়াৰে 9,069 গৰাকী লোক দেওবাৰে আৰোগ্য লাভ কৰাৰ বিপৰীতে মৃত্যু হৈছে 426 গৰাকী ৷ কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰণালয়ে প্ৰকাশ কৰা তথ্য অনুসৰি সোমবাৰলৈ দেশত 4,26,910 গৰাকীলৈ বৃদ্ধি পাইছে ক'ভিড-19 আক্ৰান্ত হোৱা লোকৰ সংখ্যা ৷ ইয়াৰে 2,37,252 গৰাকী লোকে আৰোগ্য লাভ কৰাৰ বিপৰীতে মৃত্যু হৈছে 13,703 গৰাকীলৈ ৷ আনহাতে সক্ৰিয় হৈ আছে 1,75,904 টা ঘটনা ৷
দেশৰ ভিতৰত মহাৰাষ্ট্ৰত সৰ্বাধিক 1,32,075 গৰাকী লোক আক্ৰান্ত হৈছে কোভিড 19 ত ৷ ইয়াৰে 65,744 গৰাকী লোকে আৰোগ্য লাভ কৰাৰ বিপৰীতে মৃত্যু হৈছে 6,170 গৰাকীৰ ৷ মহাৰাষ্ট্ৰৰ পাছতেই ৰাজধানী দিল্লী আৰু তামিলনাডুত বৃদ্ধি পাইছে ক'ভিড-19 আক্ৰান্ত হোৱা লোকৰ সংখ্যা ৷ ৰাজ্য দুখনত ক্ৰমে 59 হাজাৰৰো অধিক লোক আক্ৰান্ত হৈছে ক'ভিড 19 ত ৷ আনহাতে মৃত্যু হৈছে ক্ৰমে 2,175 আৰু 757 গৰাকী লোকৰ ৷
লগতে চাওকঃ দিল্লীৰ কোভিড-১৯ৰ শেহতীয়া পৰিস্থিতি সন্দৰ্ভত অমিত শ্বাহৰ বৈঠক
