নিউজ ডেস্ক, 10 এপ্ৰিলঃ কোনো লোককেই যদি মাস্ক অৱিহনে ৰাজহুৱা স্থানত দেখা পাই তেন্তে সেই লোকজনক গ্ৰেপ্তাৰ কৰিবলৈ নিৰ্দেশ দিছে চণ্ডীগড় প্ৰশাসনে । এক জাননীযোগে প্ৰকাশ কৰে এই কথা ।
কেন্দ্ৰীয় শাসিত অঞ্চলটোত বৃহস্পতিবাৰৰ পৰা ৰাজহুৱা স্থানত মাস্ক পৰিধান কৰোটো বাধ্যতামূলক কৰা হয় ।
বৃহস্পতিবাৰে প্ৰকাশ কৰা নিৰ্দেশনাটোত কোৱা হৈছে যে, কোনো লোকে এই নিৰ্দেশনা ভংগ কৰিলে ভাৰতীয় দণ্ড বিধিৰ 188 ধাৰাৰ অধিনত গ্ৰেপ্তাৰ কৰা হ'ব । আৰক্ষীক গ্ৰেপ্তাৰৰ ক্ষমতা প্ৰদান কৰিছে প্ৰশাসনে ।
নিৰ্দেশনা মতে, ব্যক্তিগত বা কাৰ্যালয়ৰ বাহনত অহা-যোৱা কৰা লোক সকলেও পৰিধান কৰিব লাগিব মাস্ক ।
কাৰ্যালয়, কৰ্মক্ষেত্ৰ, ফিল্ড ৱৰ্ক, ইত্যাদি সকলো ধৰণৰ স্থানৰ বাবেও বাধ্যতামূলক কৰা হৈছে মাস্ক পৰিধান কৰাটো । আনহাতে মাস্ক অবিহনে দুজন বা তাতোধিক ব্যক্তি মিলিত হোৱাৰ ক্ষেত্ৰটো বাধা প্ৰদান কৰা হৈছে ।
