নেশ্যনেল ডেস্ক, ১২ জুন: বৃহস্পতিবাৰে বাংগালুৰুৰ এখন আদালতে অমূল্য লীওনা নামৰ ছাত্ৰীগৰাকীক জামিন দিয়া বুলি জানিব পৰা গৈছে । বিতৰ্কৰ সৈতে সাঙুৰ খাই থকা ছাত্ৰী অমূল্য লীওনাৱে বাংগালুৰুৰ আদালতৰ মুখ্য ন্যায়াধীশ বিদ্যাধৰ চিৰহট্টীৰ নিৰ্দেশমৰ্মে জামিন লাভ কৰে । ফেব্ৰুৱাৰী মাহত বাংগালুৰু আৰক্ষীৰ দ্বাৰা গ্ৰেপ্তাৰৰ পিছত অমূল্যই মাৰ্চ মাহত জামিনৰ বাবে আদালতত আবেদন জাৰি কৰিছিল ।
চলিত বৰ্ষৰ ২০ ফেব্ৰুৱাৰী তাৰিখে হোৱা কা-এনআৰচিৰ প্ৰতিবাদী ৰেলীত অমূল্য লীওনাই ‘পাকিস্তান জিন্দাবাদ’ ধ্বনি দিয়াৰ অপৰাধত বাংগালুৰু আৰক্ষীয়ে তেওঁক গ্ৰেপ্তাৰ কৰিছিল । আৰক্ষীয়ে অমূল্যক ৰাষ্ট্ৰবিৰোধী মন্তব্য দিয়াৰ অপৰাধত গ্ৰেপ্তাৰ কৰে । এই প্ৰতিবাদী ৰেলীত এআইএমআইএমৰ অধ্যক্ষ আছাউদ্দিন ওৱেইছিও উপস্থিত আছিল ।
লগতে পঢ়ক: হিমাচল প্ৰদেশত ৫৩ লাখ টকাৰ গান্জাসহ এজন গ্ৰেপ্তাৰ
