নিউজ ডেস্ক, ৪ এপ্ৰিলঃ বলিউড বাদশ্বাহ শ্বাহৰুখ খানক ধন্যবাদ জ্ঞাপন পশ্চিম বংগৰ মুখ্যমন্ত্ৰী মমতা বেনাৰ্জীৰ । মহামাৰী কৰ'ণা ভাইৰাছৰ বিৰুদ্ধে যুঁজিবলৈ সহায় আগবঢ়োৱাৰ বাবে ধন্যবাদ জনাই মমতাই ।
শনিবাৰে মমতা বেনাৰ্জীয়ে টুইটযোগে কয়, ধন্যবাদ @iamsrk,আপোনাৰ সহায়ে বৰ্তমানৰ সংকটময় পৰিস্থিতিত বহু জনসাধৰণক সহায় কৰিব । এই ধৰণৰ মানবীয় পদক্ষেপৰ দ্বাৰা দেশৰ লাখ লাখ ব্যক্তিক প্ৰেৰণা দিব । বহুত বহুত ধন্যবাদ আপোনাক ।
উল্লখ্য যে, শ্বাহৰুখ খানে বিগত সময়ছোৱাত ঘোষণা কৰে যে, IPL ফ্ৰেনচাইজী কলকাতা নাইট ৰাইদাৰাছৰ জৰিয়তে, PM-CARES পুঁজিলৈ সাহায্য আগবঢ়াই KKR ৰ স্বতাধিকাৰী তথা অভিনেতা শ্বাহৰুখ খান তেখেতৰ পত্নী গৌৰী খান, জুহী চাউলা মেহতা, জয় মেহতাই । লগতে বিশিষ্ট অভিনেতা গৰাকীয়ে পশ্চিম বংগৰ স্বাস্থ্য খণ্ডলৈ সাহায্য আগবঢ়োৱাৰ উপৰিও ব্যক্তিগতভাৱে শ্ৰমিকসকলক স্বাস্থ্য সুৰক্ষাৰ সামগ্ৰী দিয়াৰো প্ৰতিশ্ৰুতি পালন কৰে ।
বৰ্তমান পৰ্যন্ত বলিউড জগতৰ বহুকেইগৰাকী অভিনেতা-অভিনেত্ৰী তথা শিল্পীয়ে মহামাৰী কৰ'ণা ভাইৰাছৰ সংকটৰ সময়ত দেশলৈ আৰ্থিক অনুদান আগবঢ়াই । সেয়া হ'ল....লতা মাংগেশ্বকাৰ, অক্ষয় কুমাৰ, শ্বাহৰুখ খান, বৰুণ ধাৱন, প্ৰিয়ংংকা চোপ্ৰা জোনাচ, কেটৰীণা কেইফ, আলিয়া ভট্ট, কৰীণা কাপুৰ খান ।
