নিউজ ডেস্ক, 14 জুলাই :
ৰাজস্থানৰ মুখ্যমন্ত্ৰী অশোক গেহলটৰ ৰাজনৈতিক জীৱনঃ
1971 চনত পূব বংগৰ শৰনাৰ্থী শিবিৰৰ সংকটৰ সময়ত তেওঁ সেৱা আগবঢ়াই থকাৰ সময়ত সেই সময়ৰ প্ৰধানমন্ত্ৰী ইন্দিৰা গান্ধীৰ সংস্পৰ্শলৈ আহিছিল ৷ পৰৱৰ্তী সময়ত তেওঁক ইন্দিৰা গান্ধীয়ে ৰাজনৈতিক জীৱনলৈ আহিবলৈ নিমন্ত্ৰণ জনাইছিল আৰু ৰাষ্ট্ৰীয় ছাত্ৰ সংঘ চমুকৈ NSUI ৰ অধ্যক্ষ হিচাপে প্ৰথমে নিযুক্তি লাভ কৰিছিল ৷
যোধপুৰৰ এগৰাকী যাদুগৰৰ পুত্ৰ অশোক গহলটে পৰৱৰ্তী সময়ত নেহৰু-গান্ধী পৰিয়ালৰ তিনিটা প্ৰজন্মৰ সৈতে কাম কৰিবলৈ সক্ষম হৈছিল ৷ লগতে,ইন্দিৰা গান্ধী আৰু ৰাজীৱ গান্ধীৰ মন্ত্ৰী মণ্ডলৰ কেন্দ্ৰীয় মন্ত্ৰী হিচাপেও কাৰ্যনিৰ্বাহ কৰিবলৈ সক্ষম হৈছিল ৷ ইয়াৰ উপৰিও তেওঁ মনমোহন সিংৰ কাৰ্যকালত পৰ্যটন,খেল, নাগৰিক উন্নয়ন আৰু বস্ত্ৰ বিভাগৰ মন্ত্ৰী হিচাপেও কাৰ্যনিৰ্বাহ কৰিবলৈ সক্ষম হৈছিল ৷
মুখ্যমন্ত্ৰী হিচাপে অশোক গেহলটঃ
অশোক গেহলটে যেতিয়া কংগ্ৰেছৰ লগত জড়িত হৈ আছিল তেতিয়াই তেওঁ কংগ্ৰেছৰ আভ্যন্তৰীণ বিষয় সমূহ বুজি উঠিবলৈ সক্ষম হৈছিল ৷ ইয়াৰ পিছতে তেওঁ 1985 চনত 32 বছৰ বয়সতে ৰাজ্যখনৰ যুৱ কংগ্ৰেছৰ প্ৰমুখ হিচাপে কাৰ্যনিৰ্বাহ কৰিবলৈ সক্ষম হৈছিল ৷ পৰৱৰ্তী সময়ত 1998 চনত তেওঁ ৰাজস্থানৰ মুখ্যমন্ত্ৰী হিচাপে অধিষ্ঠিত হোৱাৰ সময়ত 13 বছৰ অপেক্ষা কৰিব লগা হৈছে ৷ জানিব পৰা মতে,1998 চনত ৰাজস্থান বিধানসভা নিৰ্বাচনত 150 খন আসন দখল কৰিবলৈ সক্ষম হৈছিল ৷
পৰৱৰ্তী সময়ত 2008 চনত বিধানসভা নিৰ্বাচনত তেওঁ পুনৰ মুখ্যমন্ত্ৰী হিচাপে শপত লবলৈ সক্ষম হৈছিল ৷ সেই সময়ৰ কেন্দ্ৰীয় মন্ত্ৰী ৰাম অলা,অধ্যক্ষ মদেৰণ আৰু নৱ নিৰ্বাচিত বিধায়ক সোনাৰামকো আদি কৰি বহু কেইগৰাকী নেতাই বিৰোধ কৰিছিল যদিও কোনো ধৰণৰ সুফল পোৱা নগ'ল বুলি জানিব পৰা গৈছে ৷
লগতে পঢ়ক : বানৰ কবলত ওৰাং ৰাষ্ট্ৰীয় উদ্যানৰ বিস্তৃত অঞ্চল
