নাগৰিকত্ব সংশোধনী আইনৰ বাবে উত্তপ্ত উত্তৰ প্ৰদেশ

নাগৰিকত্ব সংশোধনী আইনৰ বিৰুদ্ধে উত্তাল পৰিৱেশৰ সৃষ্টি হৈছে উত্তৰ প্ৰদেশত ৷ প্ৰতিবাদকাৰীসকলে উত্তৰ প্ৰদেশৰ চাম্ভাল জিলাত জ্বলাই দিয়ে এখন ৰাজহুৱা বাছ ৷

নিউজ ডেস্ক,19 ডিচেম্বৰ : নাগৰিকত্ব সংশোধনী আইনৰ বিৰুদ্ধে জ্বলিছে সৰ্বত্ৰ ৷ দেশৰ ভিন্ন প্ৰান্তত এই আইনৰ বিৰোধিতাত ৰাজপথলৈ ওলাই আহিছে প্ৰতিজন নাগৰিক,দল-সংগঠন আৰু ছাত্ৰ-ছাত্ৰী ৷

লোকসভা আৰু ৰাজ্যসভাত এই আইনখন গৃহীত হোৱাৰ পাছৰে পৰা দেশত সৃষ্টি হৈছে ভয়ানক পৰিস্থিতিৰ ৷ প্ৰতিবাদকাৰীসকলে এই আইনখনৰ বাতিলৰ দাবী জনাই উত্তাল কৰি তুলিছে পৰিস্থিতি ৷ ঠায়ে-ঠায়ে প্ৰতিবাদকাৰীসকলে ক্ষতিগ্ৰস্ত কৰিছে বহু চৰকাৰী আচৱাব,জ্বলাই দিছে বহু বাহন ৷ এই ভয়ানক পৰিস্থিতি নিয়ন্ত্ৰণ কৰিবলৈ চৰকাৰে মোতায়ন কৰিছে অতিৰিক্ত সেনাবাহিনী ৷

বৃহস্পতিবাৰে নাগৰিকত্ব সংশোধনী আইনৰ বিৰোধিতাত উত্তাল হৈ পৰে উত্তৰ প্ৰদেশ ৷ আইনখনৰ বিৰোধিতা কৰি প্ৰতিবাদকাৰীসকলে জ্বলাই দিয়ে এখন ৰাজহুৱা বাছ ৷ প্ৰতিবাদকাৰীসকলে ক্ষতিগ্ৰস্ত কৰে বহু সামগ্ৰী ৷ যাৰ বাবে উত্তৰ প্ৰদেশত কৰ্তন কৰা হয় ইন্টাৰনেট সেৱা ৷

জিলাধিকাৰী অবিনাশ কে সিঙে কয় যে, আইনখনৰ বিৰোধিতা কৰিবলৈ অহা প্ৰতিবাদকাৰীসকলে আৰক্ষী চকীতো শিলগুটি নিক্ষেপ কৰিছিল ৷ ইফালে, উত্তৰ প্ৰদেশত যাতে কোনো ধৰণৰ অপ্ৰীতিকৰ পৰিস্থিতিৰ সৃষ্টি তাৰ বাবে ইন্টাৰনেট সেৱা কৰ্তন কৰা হৈছে বুলি মন্তব্য কৰে জিলাধিপতিগৰাকীয়ে ৷

অন্য এক খবৰৰ বাবে : পৱন কুমাৰ গুপ্তাৰ ক্ষমা আবেদন খাৰিজ দিল্লী আদালতৰ

আৰক্ষী অধীক্ষক যমুনা প্ৰসাদে দিয়া ভাষ্য অনুসৰি বৃহস্পতিবাৰে দুপৰীয়া চাম্ভাল জিলাৰ চৌধুৰি সৰায় এলেকাত কিছু প্ৰতিবাদকাৰীয়ে জ্বলাই দিয়ে এখন ৰাজহুৱা বাছ ৷ বহু চৰকাৰী সামগ্ৰীও ভাঙি লণ্ড-ভণ্ড কৰে প্ৰতিবাদকাৰীসকলে ৷ ঘটনাস্থলীত আৰক্ষী উপস্থিত হৈ প্ৰতিবাদকাৰীসকলক নিয়ন্ত্ৰণ কৰাৰ চেষ্টা কৰে ৷

ইফালে, নাগৰিকত্ব সংশোধনী আইনৰ বিৰোধিতা কৰিবলৈ গৈ প্ৰতিবাদকাৰীসকলে বাছ জ্বলাই দিয়া ঘটনা দেশত প্ৰথমবাৰৰ বাবে সংঘটিত হৈছে বুলি মন্তব্য কৰে জিলাধিপতিগৰাকীয়ে ৷

উত্তৰ প্ৰদেশৰ আৰক্ষীৰ লগতে অবিনাশ কে সিঙৰ মন্তব্য অনুসৰি উত্তৰ প্ৰদেশত জাৰি কৰা হৈছে 144 ধাৰা ৷ ইয়াৰ লগতে 19 ডিচেম্বৰলৈ জিলাখনত কোনো সভা অনুষ্ঠিত কৰিবলৈ দিয়া নহ'ব বুলিও উল্লেখ কৰে জিলাধিপতিগৰাকীয়ে ৷