নিউজ ডেস্ক, ১ জুন :গৃহমন্ত্ৰীৰ দায়িত্ব গ্ৰহণ কৰিলে বিজেপিৰ অধ্যক্ষ অমিত শ্বাহে । দিনৰ ১২:১০ বজাত শ্বাহে কাৰ্যালয়ত উপস্থিত হয় । কাৰ্যভাৰ গ্ৰহণৰ সময়ত উপস্থিত থাকে ৰাষ্ট্ৰীয় সুৰক্ষা উপদেষ্টা অজিত ডোভাল, গৃহ সচিব ৰাজীৱ গৌবা, গৃহ ৰাজ্যমন্ত্ৰী ক্ৰমে জি কিষান ৰেড্ডী আৰু নিত্যানন্দ ৰায় । আনুষ্ঠানিকভাৱে দায়িত্বভাৰ গ্ৰহণ কৰাৰ পাছতে তেওঁ শীৰ্ষ বিষয়াৰ সৈতে এক বৈঠকত মিলিত হয় । এক সূত্ৰই জনোৱা অনুসৰি এই বৈঠকতে দেশৰ কিছু সংকটজনক পৰিস্থিতি সম্পৰ্কে আলোচনা কৰে গৃহমন্ত্ৰী অমিত শ্বাহে।
জম্মু - কাশ্মীৰৰ পৰা ৩৭০ অনুচ্ছেদ বাতিল কৰা, নাগৰিত্ব সংশোধনী বিধেয়ক সংসদত গৃহীত কৰা, অসমত এনআৰচিৰ কাম সুচাৰুৰূপে চলাই নিয়া আৰু মাওবাদী সমস্যা সমাধান সম্পৰ্কত বিশেষ বৈঠকত উপস্থিত বিষয়ববীয়াৰে মিলিত হয় অমিত শ্বাহ ।
উল্লেখ্য যে পূৰ্বৰ গৃহমন্ত্ৰীৰ দায়িত্বত থকা ৰাজনাথ সিঙে এইবাৰ প্ৰতিৰক্ষা মন্ত্ৰণালয়ৰ দায়িত্ব বহন কৰিব ।
