নিউজ ডেস্ক, ১২ জুনঃ তেলেংগানাৰ ৰংগাৰেড্ডী জিলাত সংঘটিত হৈছে এক কৰুণ ঘটনা । পানী ভৰ্তি এটা গাঁতত পৰি ডুব যোৱাৰ বাবেই অকাল মৃত্যুক সাবটে এটি পাঁচ বছৰীয়া শিশুৱে ।
মীৰপেট পৌৰ নিগমৰ নিৰ্মাণৰত অৱস্থাত থকা এখন পাৰ্কত খান্দি থোৱা এটা গাঁতত পৰিয়ে মৃত্যু হয় গাড়ী চালক ৰমেশৰ পুত্ৰ মনোজ নামৰ শিশুটোৰ ।
আৰক্ষীৰ ভাষ্য অনুসৰি, গাঁতটোত বৰষুণৰ পানী ভৰ্তি হৈ আছিল আৰু তাৰ ওচৰতে শিশুটোৱে ভগ্নীৰ লগত খেলি থকা অৱস্থাত গাঁতৰ ভিতৰত সোমাই পৰে । বৃহস্পতিবাৰে দিনৰ প্ৰায় ১২ মান বজাত সংঘটিত হয় এই ঘটনা ।
ঘটনা সন্দৰ্ভত 304A IPCৰ অধীনত গোচৰ ৰুজু কৰাৰ লগতে শিশুটোৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে ৷
লগতে পঢ়ক : জম্মু কাশ্মীৰত পাকিস্তানৰ যুদ্ধ বিৰতি উলংঘা,নিহত 1 ভাৰতীয় সেনা
