নিউজ ডেস্ক, 11 এপ্ৰিলঃ শনিবাৰে ৰাজস্থানত কৰ’ণা ভাইৰাছত আক্ৰান্ত সংখ্যা 579 গৰাকীলৈ বৃদ্ধি পায় ৷ ৰাজ্যখনত নতুনকৈ এই ভাইৰাছত আক্ৰান্ত হোৱা সংখ্যা 18 গৰাকী বুলি স্বাস্থ্য বিভাগে প্ৰকাশ কৰিছে ৷ ৰাজ্যখনত এতিয়ালৈকে 8গৰাকী লোক এই ভাইৰাছত আক্ৰান্ত হৈ মৃত্যুমুখত পৰিছে
ৰাজ্যখনৰ কোটা আৰু বিকানেৰ জিলাত ক্ৰমে, 14 গৰাকী আৰু 4 গৰাকী লোক এই ভাইৰাছত আক্ৰান্ত হোৱাৰ তথ্য শনিবাৰে পোহৰলৈ আহিছে ৷ ৰাজস্থানৰ অতিৰিক্ত মুখ্য সচিব ৰোহিত কুমাৰে সংবাদমাধ্যমৰ আগত প্ৰকাশ কৰিছে এই তথ্য় ৷ কোটা জিলাত আক্ৰান্তসকলৰ ভিতৰত টেলঘৰ আৰু চন্দ্ৰঘাট অঞ্চলতে সৰ্বাধিক আৰু বিকানেৰত এগৰাকী বৃদ্ধ মহিলা যাৰ কৰ’ণা ভাইৰাছত আক্ৰান্ত হোৱাৰ ফলত মৃত্যু হৈছিল তেওঁৰ পৰিয়ালৰ চাৰিগৰাকী লোক আছে ৷
ৰাজস্থানত কৰ’ণা ভাইৰাছত আক্ৰান্তসকলৰ ভিতৰত দুগৰাকী ইটালিয়ান আৰু 50 গৰাকী ইৰানৰ পৰা আহিছিল আৰু তেওঁলোকক সেনাৰ তত্বাৱধানত যোধপুৰ আৰু জয়চলমেৰত আছুতীয়াকৈ ৰখা হৈছে ৷ ৰাজ্যখনৰ ভিতৰত সৰ্বাধিক 221 গৰাকীয়ে জয়পুৰৰ ৷
