নেশ্বনেল ডেস্ক, 23 আগষ্ট : মধ্যপ্ৰদেশৰ জবুৱা জিলাৰ 1,128 জন শিশুয়ে এক নতুন বিশ্ব অভিলেখৰ অধিকাৰী হৈছে ৷ বিশ্ব অভিলেখ সৃষ্টি কৰাৰ লক্ষ্যৰে শিশুকেইজনক জিলাখনৰ ৰাজৱাড়া চৌকত কৃষ্ণৰ শৈশৱ কালৰ অৱতাৰত একত্ৰিত কৰা হৈছিল ৷ কৃষ্ণৰ সাজত এই শিশুসকল আছিল হিন্দু - মুছলমান দুয়ো ধৰ্মৰে ৷ প্ৰথমবাৰৰ বাবে কোনো জিলাত এনে অনুষ্ঠানৰ জৰিয়তে বহসংখ্যক শিশুয়ে অংশগ্ৰহণ কৰা দেখা পোৱা গ'ল ৷ এই অনুষ্ঠানতে গ'ল্ডেন বুক অৱ ৱৰ্ল্ড ৰেকৰ্ড উপস্থিত হয় আৰু শিশুসকলে পূৰ্বৰ অভিলেখ ভংগ কৰা বুলি ঘোষণা কৰে ৷
কৃষ্ণৰ সাঁজত 1,128 হিন্দু - মুছলমান শিশু
