নেশ্যনেল ডেস্ক, 7 নৱেম্বৰ: পুৱা 7 বজাৰ পৰা আৰম্ভ হৈছে ছত্তীশগড় বিধানসভা নিৰ্বাচনৰ ভোটগ্ৰহণ ৷ এই নিৰ্বাচনত মাত্ৰ 5 হাজাৰ জনসংখ্যাৰ এখন গাঁৱে প্ৰাক নিৰ্বাচনী সময়ৰে পৰা যথেষ্ট দৃষ্টি আকৰ্ষণ কৰা পৰিলক্ষিত হৈছে ৷ দুটা সমষ্টিৰ প্ৰাৰ্থীয়ে ভোট বিচাৰি উক্ত গাঁওখনলৈ আহি আছে ।
ছত্তীশগড়ৰ অঞ্জোৰা গাঁৱৰ ভোটাৰে দুজন বিধায়কক নিৰ্বাচন কৰে । এই গাঁৱৰ ৰাইজে আৰম্ভণিৰে পৰা দুজন বিধায়কক ভোট দি আহিছে । এই গাঁওখন দুটা বিধানসভা সমষ্টিৰ মাজত পৰে, যাৰ বাবে ইয়াৰ গাঁওবাসীয়ে দুজন বিধায়কক ভোট দিয়ে । আচলতে অঞ্জোৰা গাঁওখন দুৰ্গ আৰু ৰাজনান্দগাঁও জিলাৰ সীমান্তত পৰে । ৰাজনান্দগাঁও সমষ্টিৰ অন্তৰ্গত হয় ৰাস্তাৰ এফালে থকা ঘৰবোৰ । ইফালে গাঁৱৰ আনটো প্ৰান্ত অন্তৰ্গত হয় গ্ৰাম্য সমষ্টিত । এই গাঁওখন দুৰ্গ চহৰৰ পৰা প্ৰায় 10 কিলোমিটাৰ দূৰত্বত মুম্বাই-হাওৰা ৰাষ্ট্ৰীয় ঘাইপথ 53 ত অৱস্থিত । এই গাঁওখন অঞ্জোৰা গ্ৰাম পঞ্চায়ত (ৰাজনন্দগাঁও) আৰু অঞ্জোৰা (B)' গ্ৰাম পঞ্চায়ত (দুৰ্গ) নামৰ দুখন পঞ্চায়তৰ দ্বাৰা পৰিচালিত ।
নিৰ্বাচনৰ পূৰ্বে অঞ্জোৰা গাঁৱত দুৰ্গ গ্ৰাম্য আৰু ৰাজনন্দগাঁও সমষ্টিৰ প্ৰাৰ্থীয়ে প্ৰচাৰ চলাইছে । কেতিয়াবা দুয়োটা সমষ্টিৰ প্ৰাৰ্থী নিৰ্বাচনী প্ৰচাৰৰ বাবে গাঁওখনলৈ অহাৰ বাবেই মানুহ বিভ্ৰান্ত হৈ পৰা পৰিলক্ষিত হৈছে । সমগ্ৰ গাঁওখনতে প্ৰতিগৰাকী প্ৰাৰ্থীৰ পোষ্টাৰ আৰু বেনাৰ দেখা পোৱা যায় । যি সমষ্টিৰ পৰাই প্ৰতিদ্বন্দ্বিতা নকৰক কিয় গাঁওখনত দুজন বিধায়কক নিৰ্বাচিত কৰা হয় ।
সমষ্টিৰ অন্তৰ্গত ভোটাৰ বিনয় কুমাৰে কয়, "এখন গাঁও, কিন্তু ইয়াত দুটা বিধান সভা সমষ্টি আছে । জিলাবোৰ বেলেগ বেলেগ । সেইবাবেই ইয়াৰ ৰাইজে দুজন বিধায়ক নিৰ্বাচন কৰে ।" ইফালে আন এজন গাঁওবাসী ধনেশ্বৰ দেশমুখে কয়, "গাঁওখনত দুটা বিধান সভা সমষ্টি আছে । এয়া ৰাজনান্দগাঁও আৰু দুৰ্গ জিলাৰ সীমা । সেইবাবেই ইয়াৰ ৰাইজে দুজন বিধায়ক নিৰ্বাচন কৰে ।" ইফালে গাঁওবাসী ধৰ্ম জৈনে কয়, "1973 চনত ৰাজনন্দগাঁও জিলা গঠন হৈছিল । দুৰ্গ জিলা পৃথক হোৱাত এই গাঁওখন মাজত পৰিল । এই কাৰণেই তেতিয়াৰ পৰা ইয়াৰ মানুহ দুটা বিধানসভা সমষ্টিত বিভক্ত হ'ল।"
উল্লেখ কৰা প্ৰয়োজন যে, 1973 চনত ৰাজনান্দগাঁও জিলাক দুৰ্গ জিলাৰ পৰা পৃথক কৰি গঠন কৰা হৈছিল । তেতিয়াৰ পৰা এই গাঁওখন দুটা পঞ্চায়তত বিভক্ত হৈ পৰিছে । বিধানসভাৰ আসনৰ বাবে সীমা নিৰ্ধাৰণৰ ব্যৱস্থাও এনেদৰে কৰা হৈছিল যে গাঁওখনৰ আধা অংশ এটা সমষ্টিত আৰু আনটো সমষ্টিত আন আধা অংশ পৰিল । গাঁওখনতো এনে পৰিয়াল আছে, যাৰ আধা সদস্যই ৰাজনান্দগাঁও বিধান সভা সমষ্টিত আৰু আন আধাই দুৰ্গ গ্ৰাম্যত ভোট দিয়ে । ৰাজনান্দগাঁও আৰু দুৰ্গ গ্ৰাম্য দুয়োটা মূল সমষ্টি য’ত প্ৰাক্তন মুখ্যমন্ত্ৰী ৰমন সিং আৰু বৰ্তমানৰ ৰাজ্যৰ গৃহমন্ত্ৰী তামৰাধ্বজ সাহুৰ দৰে প্ৰাৰ্থীয়ে প্ৰতিদ্বন্দিতা আগবঢ়াইছে ।
চলিত নিৰ্বাচনত বিজেপিয়ে ৰাজনান্দগাঁও সমষ্টিৰ পৰা ৰমন সিঙক প্ৰক্ষেপ কৰাৰ বিপৰীতে ছত্তীশগড় ৰাজ্যিক খনিজ উন্নয়ন নিগমৰ বৰ্তমানৰ অধ্যক্ষ গিৰীশ দেৱানগ্নক কংগ্ৰেছে প্ৰক্ষেপ কৰিছে প্ৰাৰ্থী হিচাপে ।
