তীব্ৰ ৰ’দ আৰু অধিক গৰমৰ বাবে ছাল আৰু চুলিৰ যথেষ্ট ক্ষতি হয় । লগতে ছালত ইয়াৰ প্ৰভাৱ বহুদিনলৈ দেখা থাকে । যদি আপুনি দুপৰীয়া কিছু সময় ৰ’দত ওলায়, তেন্তে ইয়াৰ ফলত ছালত জ্বলনৰ সমস্যাই দেখা দিয়ে । ৰ’দত ছাল পোৰাৰ বাবে বিষ, খজুৱতি আৰু বিভিন্ন ধৰণৰ সমস্যাও দেখিবলৈ পোৱা যায় । এই ক্ষেত্ৰত ৰাসায়নিক চিকিৎসাৰ পৰিৱৰ্তে যদি আপুনি প্ৰাকৃতিক সামগ্ৰীৰ দ্বাৰা ছালৰ যতন লয়, তেন্তে আপুনি বহুত ক্ষেত্ৰত সকাহ লাভ কৰিব । এই প্ৰতিবেদনত আমি ঘৰত উপলব্ধ থকা কিদৰে কিছুমান বস্তুৰ সহায়ত ৰ’দত ছাল পোৰাৰ সমস্যা আৰু ইয়াৰ প্ৰভাৱ কম কৰিব পাৰি ।
এলোভেৰা জেলৰ ব্যৱহাৰ
এলোভেৰা জেলে ছালখনক সুস্থ কৰি ৰখাৰ ক্ষেত্ৰত অতি উপকাৰী বুলি গণ্য কৰা হয় । ৰ’দত ছাল পোৰা, টেনিঙৰ সমস্যা ইত্যাদি আঁতৰাবলৈও এনেদৰে কৰিব পাৰে । ই ছালখনক ভিতৰৰ পৰা পুষ্টি প্ৰদান কৰে আৰু ক্ষতিগ্ৰস্ত ছালখনক সুস্থ কৰে । যদি মুখ বা ছাল ৰ’দত পোৰা হয়, তেন্তে ব্যৱহাৰ কৰিব লাগে এলোভেৰা। সতেজ এলোভেৰা জেল উলিয়াই তাত কেইটোপালমান আৱশ্যকীয় তেল দিব । এতিয়া মিহলাই ছালত লগাব । অবিৰত ব্যৱহাৰে উজ্জলতা ঘূৰাই আনিব ।
নেমু আৰু মৌৰ মিশ্ৰণ
ৰ’দত পোৰাৰ পৰা সকাহ পাবলৈ নেমু আৰু মৌ একেলগে ব্যৱহাৰ কৰিব পাৰে । এই দুয়োটাতে কিছুমান বিশেষ পদাৰ্থ থাকে যিয়ে ছান টেন বা ৰ’দত আপোনাৰ ছালখন পোৰাৰ পিছত ৰৈ যোৱা দাগ আঁতৰোৱাত সহায় কৰে । ইয়াৰ বাবে এটা বাটিত এচামুচ মৌ লৈ তাত কেইটোপালমান নেমু দিব । এতিয়া ইয়াৰ পেষ্ট বনাওক । এই পেষ্ট ছালত আধা ঘণ্টা লগাব । ইয়াৰ পিছত ধুই দিব । এনে কৰিলে ছালৰ উজ্বলতা ঘূৰি আহিব আৰু মুখমণ্ডলৰ উজ্বলতা বৃদ্ধি পাব ।
বিলাহীৰ ফেচ পেক
বিলাহীত কিছুমান ব্লিচিং এজেণ্ট থাকে যিয়ে ছালৰ দাগ আদি আঁতৰোৱাত সহায় কৰে । ইয়াত লাইকোপেন আৰু এন্টিঅক্সিডেন্ট পোৱা যায় যিয়ে মৃত ছাল আঁতৰোৱাৰ কাম কৰে । ইয়াৰ সহায়ত আপুনি ৰ’দত পোৰা বা টেন আঁতৰাব পাৰে । ইয়াৰ বাবে প্ৰথমে এটা বিলাহীলৈ তাৰ পেষ্ট তৈয়াৰ কৰি লওক ৷ এতিয়া পৰিষ্কাৰ ছালত লগাই ১৫ মিনিট ৰাখিব । তাৰ পিছত মুখখন ধুই লওক ৷
লগতে পঢ়ক: Skin Care: অভিনেত্ৰীৰ দৰে উজ্বল ছাল পাব বিচাৰে নেকি ? তেন্তে মুখমণ্ডলত ব্যৱহাৰ কৰক এইবিধ ফল
