পুৱা 11বজাৰ শীৰ্ষ দহটা খবৰ

পুৱা 11বজাৰ শীৰ্ষ দহটা খবৰ

হিমালয়ত দিনক দিনে বাঢ়ি অহা মানৱীয় হস্তক্ষেপৰ ফলতে প্ৰলয়ৰ সৃষ্টি হৈছে ৷ এই মন্তব্য ৱাডিয়া ইনষ্টিটিউট অফ হিমালয়ান জিঅ'লজীৰ পৰিচালক কালাচান্দ চাইৰ ৷ উত্তৰাখণ্ডত সংঘটিত জলপ্ৰলয়ৰ পাছতে এই মন্তব্য কালাচান্দ চাইৰ ৷ উত্তৰাখণ্ডৰ চাম'লি জিলাৰ যোশীমঠত হিমবাহ বিস্ফোৰণৰ ফলত ধৌলি গংগা নদীত বিধ্বংসী বানপানী ৷ বানপানীত উটি গ'ল এটা শক্তি প্ৰকল্পত কৰ্মৰত প্ৰায় 150 শ্ৰমিক ৷

দিল্লীস্থিত নয়দাৰ 'জেকচন' নামৰ এটা ব্যক্তিগত কোম্পানীৰ হাতত বিক্ৰী হ'ল আমগুৰি সৌৰশক্তি প্ৰকল্প ৷ সৌৰশক্তি প্ৰকল্পটো ব্যক্তিগত কোম্পানীৰ হাতত বিক্ৰী হোৱাক কেন্দ্ৰ কৰি সমগ্ৰ আমগুৰি অঞ্চলত সৃষ্টি হৈছে এতিয়া প্ৰতিক্ৰিয়া ৷

ভাৰতীয় সেনাই অৰুণাচল প্ৰদেশৰ পশ্চিম কামেঙৰ চিলিপাম মঠত সংঘটিত হোৱা বনজুই নিয়ন্ত্ৰণ কৰাত বন কৰ্তৃপক্ষক সহায় কৰিছিল । সেনাই প্ৰকাশ কৰা অনুসৰি,সেনা আৰু বন কৰ্তৃপক্ষৰ প্ৰচেষ্টা আৰু দ্ৰুত সঁহাৰিত এই বনজুই ৰোধ কৰিব পৰা গৈছিল ৷

কাছাৰ জিলাৰ বৰখলা নিৰ্বাচন চক্ৰৰ ৰাজা গোবিন্দ মেম'ৰিয়াল হাইস্কুল মাঠ প্ৰাংগনত বিজেপি দলৰ এখন সভা অনুষ্ঠিত হৈ যায় দেওবাৰে ৷ সভাত দলটোৰ বহু নেতা উপস্থিত থাকে ৷ নিৰ্বাচনৰ প্ৰাকমূহুৰ্তত নিৰ্বাচনী প্ৰচাৰ চলোৱাৰ উদ্দেশ্যৰেই এই সভাৰ আয়োজন কৰা হয় ৷

কংগ্ৰেছ দল ত্যাগ কৰি 300 ৰো অধিক লোকৰ বিজেপিত যোগদান ৷ মাৰ্ঘেৰিটাত অনুষ্ঠিত বিজেপিৰ পৃষ্ঠ প্ৰমুখ সন্মিলনত বিজেপিত যোগদান কৰে কংগ্ৰেছ কৰ্মী সকলে ৷ দেওবাৰে 124 নং মাৰ্ঘেৰিটা বিধানসভা সমষ্টিত অনুষ্ঠিত হৈছিল বিজেপিৰ বৰ্ধিত পৃষ্ঠ প্ৰমুখ সন্মিলন ৷

চীনত উৎপাদিত ক'ভিড প্ৰতিষেধক গ্ৰহণ কৰাৰ বাবে নেপালক হেঁচা প্ৰয়োগ কৰিছে দেশখনে ৷ বেইজিঙে চীনত উৎপাদিত চিন'ভাক নামৰ প্ৰতিষেধকবিধ প্ৰয়োগ কৰাৰ বাবে নেপালক হেঁচা প্ৰয়োগ কৰাৰ অভিযোগ ৷ নেপালৰ বৈদেশিক পৰিক্ৰমা মন্ত্ৰণালয় আৰু কাঠমাণ্ডুৰ চীনা দূতাবাসৰ মাজৰ হোৱা গোপন নথি পত্ৰৰ ভিত্তিত উত্থাপিত হৈছে এই অভিযোগ ৷

দেওবাৰে দৰঙৰ দলগাঁৱত এআইইউডিএফ সভাত এআইইউডিএফ প্ৰধান বদৰুদ্দিন আজমলে দিলে কংগ্ৰেছ বিধায়ক ইলিয়াছ আলি মুৰ্দাবাদ ধ্বনি ৷ বিগত 15 বছৰে কংগ্ৰেছ দলৰ বিধায়ক ইলিয়াছ আলি দখলত থকা দলগাওঁ সমষ্টিটোত আগন্তুক নিৰ্বাচনত এআইইউডিএফৰ প্ৰাৰ্থী প্ৰক্ষেপৰ দাবী এআইইউডিএফৰ ৷

হাফলঙৰ পৰা প্ৰায় 25 কিলোমিটাৰ দূৰত থকা উত্তৰ কাছাৰ পাৰ্বত্য স্বায়ত্ব শাসিত পৰিষদৰ দিহামলাই সমষ্টিৰ ইডিংলো গাঁৱত 70 বছৰ ধৰি নাছিলে কোনো যাতায়াতৰ ব্যৱস্থা ৷ দেওবাৰে গাঁওখনত MSC ৰ বিশেষ পেকেজৰ ধনেৰে শুভাৰম্ভণি কৰা হয় এটি কেঁচা পথৰ ৷

লাইকা-দধিয়াবাসীক সংস্থাপন দিয়াৰ বাবে শেহতীয়াকৈ চৰকাৰে লোৱা সিদ্ধান্তৰ তীব্ৰ বিৰোধিতা কৰিছে স্থানীয় বাসিন্দাসকলে । দেওবাৰে চৰকাৰৰ এই সিদ্ধান্তৰ বিৰুদ্ধে জাগুনৰ নামফাই আৰু পাহাৰপুৰ অঞ্চলৰ ১১৫নং ৰাষ্ট্ৰীয় ঘাইপথ অৱৰোধ কৰে লাইকা-দধিয়াবাসী ৰাইজে ৷

কংগ্ৰেছ দল ত্যাগ কৰি 300 ৰো অধিক লোকৰ বিজেপিত যোগদান ৷ মাৰ্ঘেৰিটাত অনুষ্ঠিত বিজেপিৰ পৃষ্ঠ প্ৰমুখ সন্মিলনত বিজেপিত যোগদান কৰে কংগ্ৰেছ কৰ্মী সকলে ৷ দেওবাৰে 124 নং মাৰ্ঘেৰিটা বিধানসভা সমষ্টিত অনুষ্ঠিত হৈছিল বিজেপিৰ বৰ্ধিত পৃষ্ঠ প্ৰমুখ সন্মিলন ৷