জোনাই, ৩ আগষ্ট : শুক্ৰবাৰে বিয়লি প্ৰায় ৫ বজাত জোনাই নদীত মাছ মাৰিবলৈ গৈ সলিল সমাধি ঘটে এজন বৃদ্ধৰ ৷ নিহত বৃদ্ধজন জোনাই আৰক্ষী থানাৰ অন্তৰ্গত ১নং তাৰি নেপালী গাঁৱৰ নিবাসী শংকৰ ছেত্ৰী (৬৫) বুলি জানিব পৰা গৈছে ৷
বিৱৰণি মতে, শুক্ৰৰবাৰে দিনৰ প্ৰায় ৩ বজাত গৰু আনিবলৈ বুলি ঘৰৰ পৰা ওলাই গৈছিল শংকৰ ৷ কিন্তু নিশা বহু পৰলৈকে ঘৰলৈ শংকৰ উভতি নহাত পৰিয়ালৰ লোকে বিচাৰ-খোচাৰ কৰে আৰু অৱশেষত জোনাই নদীৰ পৰা উদ্ধাৰ কৰা হয় তেওঁৰ মৃতদেহ ৷ ইফালে ঘটনাৰ খবৰ লাভ কৰাৰ পাচতে ঘটনাস্থলীত জোনাই আৰক্ষী উপস্থিত হৈ শংকৰৰ মৃতদেহ মৰণোত্তৰ পৰীক্ষাৰ বাবে ধেমাজি অসামৰিক চিকিৎসালয়লৈ প্ৰেৰণ কৰিছে ৷
