আত্মৰক্ষা ! ধৰ্ষণকাৰীৰ গুপ্তাংগ কাটিলে ভুক্তভোগীয়ে - WOMAN CUTS OFF GENITALS OF MAN
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Apr 6, 2024, 12:03 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/06-04-2024/640-480-21159121-thumbnail-16x9-hy.jpg)
দৰং, 6 এপ্ৰিল: ধৰ্ষণৰ অভিযোগত অভিযুক্ত পুৰুষৰ গুপ্তাংগ ছেদ কৰি এগৰাকী মহিলাৰ আত্মসমৰ্পণ ধূলা আৰক্ষী থানাত ৷ জানিব পৰা মতে, বৃহস্পতিবাৰৰ নিশা দৰঙৰ ধূলা থানাৰ অন্তৰ্গত এন চি খাৰুপেটীয়াত সংঘটিত হয় এক নিৰ্লজ্জ ঘটনা । তথ্য অনুসৰি, এন চি খাৰুপেটীয়া গাঁৱৰ ইন্তাজ আলী নামৰ লোকজনে প্ৰায় তিনি বছৰ ধৰি বিভিন্ন ধৰণৰ অশ্লীল ইংগিত ওচৰৰ এগৰাকী মহিলাক দি অহা বুলি স্থানীয় লোকে অভিযোগ তুলিছে ।
অশ্লীল ইংগিততে ক্ষান্ত নাথাকি অৱশেষত 4 এপ্ৰিলৰ দিনা অভিযুক্ত ইন্তাজ আলীয়ে মহিলাগৰাকীৰ স্বামী নথকাৰ সুযোগ লৈ নিশা ঘৰত প্ৰৱেশ কৰি ধৰ্ষণৰ অপচেষ্টা চলায় । সেই সময়তে নিজকে ৰক্ষা কৰাৰ বাবে ব্লেডেৰে ইন্তাজ আলীৰ গুপ্তাংগত আঘাত কৰে মহিলাগৰাকীয়ে আৰু ধূলা আৰক্ষী থানাত আত্মসমৰ্পণ কৰে ।
ইতিমধ্যে ভুক্তভোগীৰ পুত্ৰই ধূলা আৰক্ষী থানাত ইন্তাজ আলীৰ বিৰুদ্ধে এখন এজাহাৰ দাখিল কৰিছে ।
লগতে পঢ়ক: পুত্ৰই পলুৱাই আনিলে ছোৱালী; যুৱকৰ মাতৃক ৰাজপথত অৰ্ধনগ্ন কৰিলে যুৱতীৰ পৰিয়ালে - Sexual assault