তিনিচুকীয়াত বাহনৰ ভিতৰতে অচিনাক্ত মৃতদেহ উদ্ধাৰ - Dead Body Recovered

তিনিচুকীয়া, ১৮ জুন: তিনিচুকীয়া চহৰৰ মিছনপাৰা ৰামকৃষ্ণ সেৱা সমিতিৰ সন্মুখত এখন ৰখাই থোৱা বাহনত মঙলবাৰে এটা অচিনাক্ত মৃতদেহ উদ্ধাৰ হয় । স্থানীয় ৰাইজে এই প্ৰসংগত উল্লেখ কৰা অনুসৰি আজি পুৱাৰ ভাগত AR-12-3471 নম্বৰৰ বাহন এখনৰ চালকৰ আসনত মৃতদেহটো উক্ত অঞ্চলটোৰ কেইজনমান লোকে প্ৰত্য়ক্ষ কৰে । এইদৰে মৃতদেহটো প্ৰত্যক্ষ কৰাৰ পিচতেই স্থানীয় ৰাইজে ততাতৈয়াকৈ হিজুগুৰি আৰক্ষীক অৱগত কৰাত ঘটনাস্থলীত আৰক্ষীৰ এটা দল উপস্থিত হৈ মৃতদেহটো উদ্ধাৰ কৰি বাহনসহ লৈ যায় ।  

স্থানীয় ৰাইজে মৃত লোকজন উক্ত অঞ্চলৰ নহয় বুলি উল্লেখ কৰে ৷ বাহনৰ ভিতৰতেই এইদৰে মৃতদেহ ওলোৱাত ৰহস্য়ৰ সৃষ্টি হৈছে । এই চালকজনৰ  বাহনখনতেই মৃত্য়ু হৈছে নে কোনো লোকে হত্য়া কৰি বাহনসহ উক্ত স্থানত পেলাই থৈ গৈছে সেয়া আৰক্ষীৰ তদন্ততহে নিশ্চিত হ'ব পৰা যাব ।

লগতে পঢ়ক:লংনিট নদীত উদ্ধাৰ সন্ধানহীন ৰৌচনৰ মৃতদেহ - DEAD BODY RECOVERed