প্ৰতিবাদকাৰীৰ ওপৰত নিৰ্যাতন চলোৱা আৰক্ষীৰ বিৰুদ্ধে ব্যৱস্থা গ্ৰহণ কৰিব লাগে: বসন্ত গগৈ

শিৱসাগৰ: কেন্দ্ৰীয় মন্ত্ৰী জুৱেল ওৰামে ছয় জনগোষ্ঠীৰ জনজাতিকৰণ সন্দৰ্ভত বিষয়টো বিচাৰাধীন অৱস্থাত থকা বুলি মন্তব্য কৰাৰ পাছতে ছয় জনগোষ্ঠীয় সংগঠনৰ মাজত ক্ষোভৰ জুই । জুৱেল ওৰামৰ মন্তব্যৰ পাছতে তিনিচুকীয়াত মৰাণ আৰু মটক যুৱ সন্মিলনীয়ে তীব্ৰ প্ৰতিবাদ সাব্যস্ত কৰাৰ সময়তে প্ৰতিবাদীকাৰীৰ ওপৰত আৰক্ষীয়ে চলোৱা নিৰ্যাতনৰ বিৰুদ্ধে সৰৱ হৈছে সদৌ টাই আহোম ছাত্ৰ সন্থা ৷ ৰ সভাপতি বসন্ত গগৈৰ প্ৰতিক্ৰিয়া ।  

প্ৰতিবাদকাৰীক ৰোধ কৰিবলৈ আৰক্ষীয়ে নিক্ষেপ কৰা কন্দুৱা গেছৰ ফলত মটক যুৱ সন্মিলনীৰ সম্পাদক স্বৰূপ গোঁহাই আৰু মৰাণ ছাত্ৰ সন্থাৰ সম্পাদকগৰাকী আহত হয় । সদৌ টাই আহোম ছাত্ৰ সন্থাৰ সভাপতি বসন্ত গগৈয়ে প্ৰতিক্ৰিয়া প্ৰকাশ কৰি কয়, "প্ৰতিবাদকাৰীৰ ওপৰত নিৰ্যাতন চলোৱা আৰক্ষীৰ বিৰুদ্ধে ব্যৱস্থা গ্ৰহণ কৰিব লাগে । কন্দুৱা গেছ নিক্ষেপ কৰাৰ নিৰ্দেশ দিয়া আৰক্ষী বিষয়াগৰাকীক নিলম্বনৰ কৰক ।" প্ৰতিবাদকাৰীৰ ওপৰত নিৰ্যাতন চলোৱা অসম চৰকাৰৰ গৃহ বিভাগক সকীয়নি প্ৰদান কৰে সভাপতিগৰাকীয়ে । 

লগতে পঢ়ক: মন্ত্ৰী জুৱেল ওৰামক সাক্ষাতৰ বাবে দিল্লীলৈ যাব তিৱা ছাত্ৰ সন্থা - All Tiwa Students Union