গুৱাহাটী ৫ জুলাই: ৰাজ্যজুৰি বানে বিভীষিকাৰ সৃষ্টি কৰাৰ সময়তে গুৱাহাটী মহানগৰীত সংঘটিত হয় এক শোকাবহ ঘটনা । যি ঘটনা সংঘটিত হোৱাৰ পাচতে চকুৰ টোপনি হৰিছে প্ৰশাসনৰ । মহানগৰীৰ জ্যোতিনগৰৰ শনি মন্দিৰৰ সমীপত স্কুটীৰ পৰা পিচলি নলাত পৰি উটি যায় নুনমাটি ভৱানীপুৰৰ অবিনাশ সৰকাৰ নামৰ এটি শিশু । দিনজোৰা প্ৰচেষ্টাৰ অন্ততো অভিলাষ বিচাৰি উলিয়াব নোৱৰাৰ পিচত শুকুৰবাৰে নিশাৰ ভাগতো শিশুটিৰ সন্ধানত চলিল অভিযান ।মহানগৰীৰ কৃত্ৰিম বানত নিৰুদ্দিষ্ট অবিনাশ সৰকাৰৰ সন্ধানত ব্যাপক অভিযান চলাই এন ডি আৰ এফ এছ ডি আৰ এফ আৰক্ষী আৰু প্ৰশাসনে । চানমাৰি চৰকাৰী ছপাশালৰ পৰা অনুৰাধালৈ পথৰ কাষৰ নলাত যুদ্ধংদেহী ৰূপত চলাই অভিযান । এস্কেভেটৰকে আদি কৰি বিভিন্ন অত্যাধুনিক সা-সৰঞ্জামেৰে অভিযান অব্যাহত ৰাখিছে অভিযানকাৰী দলে ।অৱশ্যে এতিয়াও কোনো সন্ধান লাভ কৰা নাই শিশুটিৰ । আনহাতে এই অভিযানৰ ফলত চানমাৰিৰ পৰা নুনমাটি পথত তীব্ৰ যান-জঁটৰ সৃষ্টি হোৱাত বিপদত পৰিছে পথচাৰী ।লগতে পঢ়ক: মৰণফান্দত পৰিণত মহানগৰীৰ ৰাজপথ : কাৰ ভুলৰ বাবে নলাত উটি গ’ল শিশু ? - Heavy rain in assam