চামগুৰিত পুনৰ কংগ্ৰেছ নেতাৰ ঘৰত আক্ৰমণ

চামগুৰি : চামগুৰি সমষ্টিত উপ-নিৰ্বাচনকেন্দ্ৰিক হিংসা অব্যাহত আছে । প্ৰতিদিনে একাধিক ৰাজনৈতিক নেতাক আক্ৰমণ কৰিছে দুৰ্বৃত্তই । কেৱল এয়াই নহয় কংগ্ৰেছ আৰু বিজেপি নেতা-কৰ্মীৰ বাসগৃহতো তেনেধৰণৰ আক্ৰমণৰ ঘটনা সংঘটিত হৈছে । দেওবাৰে নিশা পুনৰ এগৰাকী কংগ্ৰেছ নেতাৰ ঘৰত দুৰ্বৃত্তই আক্ৰমণ কৰে । চামগুৰি গ্ৰাণ্টৰ আমজাদ আলী নামৰ কংগ্ৰেছ নেতাৰ ঘৰত পুৱতি নিশা আক্ৰমণ দুৰ্বৃত্তই চলায় ।

দুৰ্বৃত্তৰ দলে আমজাদৰ ঘৰলৈ শিল নিক্ষেপ কৰাৰ লগতে এখন বাহনৰ বিস্তৰ ক্ষতিসাধন কৰে । AS-২১-C-৬৭১৬ নম্বৰৰ সামগ্ৰী কঢ়িওৱা বাহনখনৰ সন্মুখৰ গ্লাছ ভাঙি চূৰ্ণ-বিচূৰ্ণ কৰে দুৰ্বৃত্তৰ দলটোৱে । এই ঘটনাত বিজেপি কৰ্মী জড়িত থকাৰ অভিযোগ কৰিছে ভুক্তভোগী কংগ্ৰেছ নেতাজনে ।

লগতে পঢ়ক :চামগুৰি উপ-নিৰ্বাচনৰ পৰা ৰকিবুলক আঁতৰাই ৰখাৰ দাবী বিজেপিৰ