পথ দুৰ্ঘটনাত প্ৰাণ গ'ল অসম বিশ্ববিদ্যালয়ৰ মেধাবী ছাত্ৰীৰ

নগাঁও, ২৭ ফেব্ৰুৱাৰী : এক শোকাবহ পথ দুৰ্ঘটনাত প্ৰাণ হেৰুৱালে অসম বিশ্ববিদ্যালয়ৰ এগৰাকী মেধাবী ছাত্ৰীয়ে । সোমবাৰে নিশা পিতৃৰ সৈতে নগাঁৱৰ ঘৰলৈ আহি আছিল অসম বিশ্ববিদ্যালয়ৰ ডিফু কেম্পাছৰ মেধাবী ছাত্ৰী জিংকী শইকীয়া । পিতৃৰ সৈতে আহি থকা অৱস্থাতে হঠাৎ গুৱাহাটীৰ পৰা নগাঁও অভিমুখী এখন যাত্ৰীবাহী ট্ৰেভেলাৰে খুন্দিওৱাৰ ফলত সংঘটিত হয় ভয়াৱহ দুৰ্ঘটনা । নগাঁৱৰ বেবেজীয়াত সংঘটিত পথ দুৰ্ঘটনাটোতে থিতাতে মৃত্যু হয় মেধাৱী ছাত্ৰী জিংকী শইকীয়াৰ ।  

এই পথ দুৰ্ঘটটো সংঘটিত কৰিয়েই ট্ৰেভেলাৰখনে পলায়নৰ চেষ্টা কৰে যদিও নিশাই স্থানীয় ৰাইজে জব্দ কৰিবলৈ সক্ষম হয় । ৰাইজে আবদ্ধ কৰে দুৰ্ঘটনা সংঘটিত কৰা AS02 AC 6280 নম্বৰৰ ট্ৰেভেলাৰখন । দুৰ্ঘটনাটোত আহত হয় জিংকী শইকীয়াৰ পিতৃও । গুৰতৰভাৱে আহত জিংকীৰ পিতৃক নিশাই ভৰ্তি কৰোৱা হয় চিকিৎসালয়ত । মঙলবাৰে মেধাৱী ছাত্ৰী গৰাকীৰ মৃতদেহ ঘৰ আহি পোৱাৰ পাছতেই অঞ্চলজুৰি এক শোকাকুল পৰিৱেশে বিৰাজ কৰে ।

লগতে পঢ়ক:কলিয়াবৰত দুৰ্ঘটনাত আহত এটা পহু