পথ দুৰ্ঘটনাক কেন্দ্ৰ কৰি উত্তপ্ত গড়মূৰ থানা : ৰাইজৰ প্ৰতিবাদ - Public Protest in Majuli

মাজুলী, 17 জুলাই : এটা পথ দুৰ্ঘটনাক কেন্দ্ৰ কৰি মাজুলীৰ গড়মূৰ থানাত উত্তপ্ত পৰিস্থিতি ৷ দোষীক শাস্তিৰ দাবীত গড়মূৰ থানা ঘেৰাও কৰি উত্তাল প্ৰতিবাদ সাব্যস্ত কৰে স্থানীয় লোকে ৷ কোনো কাৰণত যাতে দোষী সাৰি যাব নোৱাৰে তাৰ বাবে দাবী উত্থাপন কৰে প্ৰতিবাদকাৰীসকলে ৷  

উল্লেখ্য যে, মঙলবাৰে মাজুলীৰ পুৰণিবাৰীত সংঘটিত হয় এক ভয়ংকৰ মটৰ চাইকেল দুৰ্ঘটনা ৷ দুখন মটৰ চাইকেলৰ মাজত সংঘৰ্ষ হোৱাৰ ফলতেই এই দুৰ্ঘটনা সংঘটিত হয় ৷ AS-03-V 8085 আৰু AS -04 Z-5332 নামৰ বাইক দুখনৰ মুখামুখি সংঘৰ্ষ হয় ৷ এই শোকাৱহ দুৰ্ঘটনাত নিহত হয় দুগৰাকীকৈ লোক ৷ সম্পৰ্কত পিতা-পুত্ৰ নিহত দুয়োজন লোক ৷ ঘটনাৰ পিচতে স্থানীয় লোকে গুৰুতৰভাৱে আহত পিতা-পুত্ৰ ক্ৰমে ভোগেশ্বৰ নাথ আৰু বসন্ত নাথক সংকটজনক অৱস্থাত ভৰ্তি কৰিছিল জিলা চিকিৎসালয়ত ৷ পাচত দুয়োকে উন্নত চিকিৎসাৰ বাবে ডিব্ৰুগড়লৈ নিয়া হৈছিল যদিও চিকিৎসকে মৃত ঘোষণা কৰে ৷ উদণ্ড, কম বয়সীয়া বাইক চালকৰ বাবেই এই শোকাৱহ ঘটনা সংঘটিত হয় বুলি স্থানীয় লোকে জানিবলৈ দিছে ৷  

এই ঘটনাৰ পিচতে এতিয়া মাজুলীত শোকৰ ছাঁ পৰিছে ৷ দুৰ্ঘটনাক কেন্দ্ৰ কৰি আজি নিশা অঞ্চলবাসী ৰাইজে ঘেৰাও কৰে গড়মূৰ থানা ৷ ঘটনাৰ সৈতে জড়িত দোষীক গ্ৰেপ্তাৰ তথা উপযুক্ত শাস্তিৰ দাবীত ৰাইজে নিশা ঘেৰাও কৰে গড়মূৰ থানা ৷ 

লগতে পঢ়ক : পথ দুৰ্ঘটনাত পিতা-পুত্ৰৰ মৃত্যুক কেন্দ্ৰ কৰি ৰাইজৰ উত্তাল প্ৰতিবাদ : মাজুলী পুৰণিবাৰীত উত্তপ্ত পৰিস্থিতি - Protest in Majuli