ওড়িশাত ৰাষ্ট্ৰপতি দ্ৰৌপদী মুৰ্মূ : সাক্ষী হ’ব ৰথযাত্ৰাৰ - Droupadi Murmu

নিউজ ডেস্ক, ৬ জুলাই : ৪ দিনীয়া ভ্ৰমণসূচীৰে শনিবাৰে ওড়িশাত উপস্থিত হয় ৰাষ্ট্ৰপতি দ্ৰৌপদী মুৰ্মূ ।  ৰাজ্যপাল ৰঘুবৰ দাস আৰু মুখ্যমন্ত্ৰী মোহন চৰণ মাঝিয়ে ৰাষ্ট্ৰপতিগাৰীকক বিজু পাটনায়ক আন্তঃৰাষ্ট্ৰীয় বিমানবন্দৰত আদৰণি জনায় ।

‘উৎকলামণি’ পণ্ডিত গোপাবন্ধু দাসৰ ৯৬ সংখ্যক মৃত্যু বাৰ্ষিকী উপলক্ষে আয়োজিত এক কাৰ্যসূচীত শনিবাৰে অংশগ্ৰহণ কৰে ৰাষ্ট্ৰপতিগৰাকীয়ে ৷ ইয়াৰ পিচতে ৰাষ্ট্ৰপতি মুৰ্মূ ৭ জুলাইত পুৰীৰ ৰথযাত্ৰাৰ সাক্ষী হ’ব ৷ ৮ জুলাইত পুৰীৰ পৰা উভতি তেওঁ খাণ্ডাগিৰি-উদয়গিৰিৰ গুহাসমূহ পৰিদৰ্শন কৰিব ৷

তাৰ পিচদিনা তেওঁ বিভূতি কানুংগো কলা আৰু কাৰুশিল্প মহাবিদ্যালয়ৰ লগতে উৎকল সাংস্কৃতিক বিশ্ববিদ্যালয়ৰ শিক্ষাৰ্থীসকলৰ সৈতে বাৰ্তালাপ কৰিব ৷ ৰাষ্ট্ৰপতিগৰাকীয়ে ভূৱনেশ্বৰৰ ওচৰৰ হৰিদামাদা গাঁৱত ব্ৰহ্ম কুমাৰীসকলৰ ডিভাইন ৰিট্ৰিট চেণ্টাৰো উদ্বোধন কৰিব ৷ ৰাষ্ট্ৰপতি মুৰ্মূৱে ৯ জুলাইত ভুৱনেশ্বৰত ৰাষ্ট্ৰীয় বিজ্ঞান শিক্ষা আৰু গৱেষণা প্ৰতিষ্ঠানৰ ত্ৰয়োদশ স্নাতক সমাৰোহত অংশগ্ৰহণ কৰিব ।

লগতে পঢ়ক : সাধাৰণ ভক্তৰ দৰেই পুৰীৰ ৰথযাত্ৰাত অংশ ল’ব ৰাষ্ট্ৰপতি মুৰ্মূৱে