সমাগত স্বাধীনতা দিৱস উদযাপনৰ বাবে ধেমাজিত ব্যাপক প্ৰস্তুতি - INDEPENDENCE DAY 2024
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Aug 12, 2024, 12:44 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/12-08-2024/640-480-22183978-thumbnail-16x9-dh-aspera.jpg)
ধেমাজি, ১২ আগষ্ট: সমগ্ৰ দেশৰ লগতে ধেমাজিতো জিলা প্ৰশাসনৰ কটকটীয়া নিৰাপত্তাৰ মাজত কাছাৰী ময়দানত চলিছে স্বাধীনতা দিৱসৰ ব্যাপক প্ৰস্তুতি ৷ ইতিমধ্যে কাছাৰী ময়দানখন পৰিস্কাৰ-পৰিচ্ছন্ন কৰি যাৱতীয় ব্যৱস্থা গ্ৰহণ কৰিছে জিলা প্ৰশাসনে ৷ বিগত কিছুদিন ধৰি কাছাৰী ময়দানত পুৱা আৰু আবেলি ধেমাজি আৰক্ষী, বিদ্যালয় আৰু মহাবিদ্যালয়ৰ ছাত্ৰ-ছাত্ৰীসকলে পেৰেডৰ বাবে অনুশীলন চলাই আছে ৷
উল্লেখ্য় যে, এইবাৰ কাছাৰী ময়দানত ২৮ টা দলে পেৰেডত অংশগ্ৰহণ কৰিব । ইফালে প্ৰতিকূল বতৰে কিছু বিধি-পথালি দিছে যদিও ছাত্ৰ-ছাত্ৰী আৰু অভিভাৱকৰ সঁহাৰি যথেষ্ট সন্তোষজনক বুলি মন্তব্য কৰিছে প্ৰশিক্ষকগৰাকীয়ে ।
ইপিনে, স্বাধীনতা দিৱসৰ সময়ছোৱাত জিলাখনত যাতে কোনো ধৰণৰ কূটাঘাতমূলক কাম-কাজ সংঘটিত নহয়, তাৰ প্ৰতি লক্ষ্য ৰাখি প্ৰশাসনে কটকটীয়া নিৰাপত্তা ব্যৱস্থা গঢ়ি তুলিছে ।