হোজাইত পবিত্র ঈদ-উল-আজহাৰ ব্যাপক প্ৰস্তুতি - Eid ul Adha 2024

হোজাই, 16 জুন : সোমবাৰে সমগ্ৰ অসমতে পালন কৰা হ’ব ত্যাগ আৰু ভাতৃত্ববোধৰ প্ৰতীক ঈদ-উল-আজহা ৷ ঈদ-উল-আজহাৰ প্ৰাকক্ষণত সমগ্ৰ ৰাজ্যজুৰি ইছলামধৰ্মী লোকসকলৰ মাজত এক উৎসৱমুখৰ পৰিৱেশৰ সৃষ্টি হৈছে ৷  

ইছলামধৰ্মী লোকসকলৰ পৱিত্ৰ উৎসৱ ঈদ-উল-আজহা ৷ সমগ্ৰ দেশৰ লগতে 17 জুন অৰ্থাৎ সোমবাৰে হোজাই জিলাৰ ইছলাম বস্তি ঈদগাহ ময়দানত সমূহীয়া নামাজৰ আয়োজন কৰা হৈছে ৷ ইছলাম বস্তি ঈদগাহ কমিটীয়ে জানিবলৈ দিয়া অনুসৰি পুৱা 6.30 বজাত ঈদৰ সমূহীয়া নামাজ অনুষ্ঠিত হ'ব ৷

পবিত্ৰ ঈদ-উল-আজহা উপলক্ষে জাতি, ধর্ম, বর্ণ, নিৰ্বিশেষে সমূহ অসমবাসী ৰাইজলৈ ঈদগাহ কমিটীৰ সভাপতিয়ে আন্তৰিক শুভেচ্ছা জনায় ৷ তেওঁ লগতে কয় য়ে, এই উৎসৱে পৰস্পৰৰ মাজত হিংসা-বিদ্বেষ পৰিহাৰ কৰি ভাতৃত্বৰ এনাজৰীডাল সদৃঢ় কৰিব ৷

লগতে পঢ়ক : ৰহাত ডুগডুগী ফাউণ্ডেশ্যনৰ প্ৰথম বৰ্ষপুৰ্তি অনুষ্ঠান - DOOGDOOGI FOUNDATION ANNIVERSARY