হত্যাৰ অপৰাধত অপৰাধীক যাৱজ্জীৱন কাৰাদণ্ড - LIFE TIME IMPRISONMENT

কৰিমগঞ্জ, 31 মে’ : হত্যাৰ অপৰাধত অভিযুক্তক যাৱজ্জীৱন কাৰাদণ্ড প্ৰদান আদালতৰ ৷ পাঁচ বছৰ পুৰণি এটা চাঞ্চল্যকৰ হত্যাকাণ্ডৰ শুকুৰবাৰে চূড়ান্ত ৰায়দান কৰে হাইলাকান্দি অতিৰিক্ত জিলা আৰু সত্ৰ ন্যায়াধীশ ড৹ মাহমুদুল হাছান বৰভূঞাই ৷ ভাৰতীয় দণ্ডবিধিৰ 302/34 ধাৰাত অভিযুক্ত বাহাৰ উদ্দিন বৰভূঞাক যাৱজ্জীৱন কাৰাদণ্ড আৰু 10 হাজাৰ টকা জৰিমনা বিহা হৈছে ৷

লাভ কৰা তথ্য অনুসৰি 2019 চনৰ 8 নৱেম্বৰৰ নিশা লালা আৰক্ষী থানাৰ অন্তৰ্গত জোছনাবাদ গাঁৱৰ নিবাসী জাকিৰ হুছেইন বৰভূঞাক অভিযুক্ত বাহাৰ উদ্দিন বৰভূঞাৰ লগতে আন দুজন লোকে আক্ৰমণ কৰি গুৰুতৰভাৱে আহত কৰে ৷ কাষতে থকা কিয়া বাগানত সংঘটিত হৈছিল এই ঘটনা ৷ সংকটজনক অৱস্থাত ব্যৱসায়ী জাকিৰ হুছেইনে নিশা শিলচৰ চিকিৎসা মহাবিদ্যালয়ত চিকিৎসাধীন অৱস্থাত প্ৰাণ হেৰুৱায় ৷ পৰৱৰ্তী সময়ত জাকিৰ হুছেইনৰ পত্নী খাদিজা বেগম মাজহৰভূঞাই এই সন্দৰ্ভত গোচৰ দাখিল কৰে ৷ এই গোচৰত আদালতে 19 জন ব্যক্তিৰ সাক্ষ্য গ্ৰহণ কৰে ৷ শান্তনু শৰ্মা, দেৱজিৎ চক্ৰৱৰ্তী আৰু কাজী আবু ৰাইহানে চৰকাৰী পক্ষৰ হৈ যুক্তি আগবঢ়ায় ৷  

লগতে পঢ়ক : অবৈধ অস্ত্ৰ-ড্ৰাগছ সৰবৰাহৰ গোচৰত গ্ৰেপ্তাৰ বিজেপি নেত্ৰীৰ পুত্ৰ - Hojai BJP Leaders Son Arrested