লোকসভাৰ টিকট লাভৰ পিচতে ৰঞ্জিৎ দত্তৰ প্ৰথম প্ৰতিক্ৰিয়া

বিশ্বনাথ, 2 মাৰ্চ: শনিবাৰে দেশৰ ১৯৫ টা সমষ্টিৰ বাবে প্ৰাৰ্থীৰ নাম ঘোষণা বিজেপিৰ দলে ৷ প্ৰথমখন তালিকাতে অসমৰ ১১টা সমষ্টিৰ প্ৰাৰ্থীৰ নাম ঘোষণা কৰে দলটোৱে । উক্ত তালিকাত শোণিতপুৰ লোকসভা আসনখনৰ বাবে দলে বিধায়ক ৰঞ্জিৎ দত্তক প্ৰাৰ্থিত্ব প্ৰদান কৰে । প্ৰাৰ্থিত্ব প্ৰদান কৰা পিচতে বিধায়ক ৰঞ্জিত দত্ত বাসগৃহত দেখা গ’ল এক উৎসৱ মুখৰ পৰিৱেশ । প্ৰাৰ্থিত্ব লাভ কৰি বিধায়কগৰাকীয়ে সংবাদ মাধ্যমৰ জৰিয়তে প্ৰধানমন্ত্ৰী মোদী, বিজেপিৰ ৰাষ্ট্ৰীয় সভাপতি, ৰাজ্যিক সভাপতিৰ উপৰিও মুখ্যমন্ত্ৰী ড৹ হিমন্ত বিশ্ব শৰ্মাক ধন্যবাদ জ্ঞাপন কৰে ৷

2001 চনৰ পৰা বিহালী সমষ্টিক প্ৰতিনিধিত্ব কৰি 2011 চনত পৰাজয় হোৱাৰ পিচত পুনৰ বিধায়ক হিচাপে নিৰ্বাচিত হয় ৰঞ্জিৎ দত্ত ৷ পুনৰ দলে গুৰু দায়িত্ব দিয়া বুলি উল্লেখ কৰি এই দায়িত্ব নিষ্ঠাৰে পালন কৰি যাব বুলি উল্লেখ কৰে ৰঞ্জিৎ দত্তই ৷

লগতে পঢ়ক: বিজেপিৰ প্ৰথমখন প্ৰাৰ্থী তালিকা : অসমৰ ১১গৰাকী প্ৰাৰ্থীৰ নাম ঘোষণা