অভয়াপুৰীত অগ্নিকাণ্ডত বিনষ্ট দুই লক্ষাধিক টকাৰ সম্পত্তি

বঙাইগাঁও, ১৮ ফেব্ৰুৱাৰী : বঙাইগাঁও জিলাৰ অভয়াপুৰী আৰক্ষী থানাৰ অন্তৰ্গত লতিবাৰীত ভয়ংকৰ অগ্নিকাণ্ড । দেওবাৰে পুৱাৰ ভাগত সংঘটিত হয় এই অগ্নিকাণ্ড ৷ লতিবাৰীৰ জোমৰ আলীৰ বাসগৃহত সংঘটিত হয় এই অগ্নিকাণ্ডটো । পৰিয়ালৰ লোকে বৈদ্যুতিক শ্বৰ্ট চাৰ্কিটৰ বাবে এই অগ্নিকাণ্ড সংঘটিত হোৱা বুলি সন্দেহ প্ৰকাশ কৰিছে ।

এই ভয়ংকৰ অগ্নিকাণ্ডৰ ফলত নগদ ৫০ হাজাৰ টকাসহ প্ৰায় দুই লাখ টকাৰ সম্পত্তিৰ ক্ষতি হোৱা বুলি পৰিয়ালৰ লোকে উল্লেখ কৰিছে । অগ্নিকাণ্ডৰ পিচতেই স্থানীয় ৰাইজে অগ্নিনিৰ্বাপক বাহিনীৰ লোকক খবৰ দিয়ে ৷ অগ্নিনিৰ্বাপক বাহিনীৰ দল এটাই ঘটনাস্থলীত উপস্থিত হৈ জুই নিৰ্বাপিত কৰিবলৈ সক্ষম হয় । পিচত ঘটনাস্থলীত অভয়াপুৰী থানাৰ আৰক্ষী উপস্থিত হৈ ঘটনা সন্দৰ্ভত তদন্ত আৰম্ভ কৰে ।

লগতে পঢ়ক:দাবী মানি নল'লে ১৯ ফেব্ৰুৱাৰীত পঞ্জাৱ সীমান্তলৈ ৰাওনা হ'ব হাৰিয়ানাৰ কৃষক