মাজুলীত খাদ্যত বিষক্ৰিয়া হৈ আক্রান্ত কুৰিৰো অধিক - Food poisoning

মাজুলী, ৩০ মাৰ্চ: মাজুলীত খাদ্যত বিষক্ৰিয়া হৈ শনিবাৰে কুৰিজনৰো অধিক লোক কমলাবাৰী ৰাজ্যিক চিকিৎসালয়ত চিকিৎসাধীন হ’বলগীয়া হয় ৷ জানিব পৰা মতে, শুকুৰবাৰে মাজুলীৰ জাৰণী সোণোৱাল গাঁৱৰ এজন লোকৰ ঘৰত অনুষ্ঠিত সকামত প্ৰসাদ খোৱাৰ পাচত আজি পুৱাৰে পৰা কেইবাজনো লোকৰ শৌচ-বমি হয় । লগে লগে আটাইকেইজনক আজি কমলাবাৰী ৰাজ্যিক চিকিৎসালয় ভৰ্তি কৰোৱা হয় ।

কমলাবাৰী ৰাজ্যিক চিকিৎসালয়ত চিকিৎসা আগবঢ়োৱাৰ পাচত প্ৰায় ১৩ জন লোকক ঘৰলৈ যাবলৈ দিয়া হয় ৷ আনহাতে বাকীকেইজন লোকক বাতৰি লিখা পৰলৈকে চিকিৎসালয়তে ৰাখি সেৱা আগবঢ়োৱা হৈছে বুলি জানিব পৰা হৈছে । অৱশ্যে আটাইকেইজনৰে স্বাস্থ্য বৰ্তমান সুস্থিৰ বুলি জানিব পৰা হৈছে ৷ ইফালে এই খবৰ লাভ কৰাৰ পাচতেই স্থানীয় বিধায়ক ভূবন গাম কমলাবাৰী ৰাজ্যিক চিকিৎসালয়ত উপস্থিত হৈ আক্রান্তসকলৰ স্বাস্থ্যৰ বুজ লয় ।

লগতে পঢ়ক: শিৱৰাত্ৰিৰ আনন্দ উল্লাসৰ মাজতে মাজুলীত অঘটন