নাৰেংগীত ৰে'লৰ খুন্দাত নিহত দুই শ্ৰমিক, আহত তিনিজন - Train Hit labourers

গুৱাহাটী, ১৮ মে' : গুৱাহাটী মহানগৰীৰ সমীপৰ নাৰেংগীত শনিবাৰে পুৱাই সংঘটিত হয় এক শোকাৱহ ঘটনা । দ্ৰুতবেগী ৰে'লে মহতিয়াই নিলে ৫ জনকৈ লোকক । নাৰেংগী ৰে'ল ষ্টেচনৰ সমীপত সংঘটিত হৈছে এই হৃদয় বিদাৰক ঘটনা । দ্ৰুতবেগী ৰে'লৰ খুন্দাত দুজন শ্ৰমিক মৃত্যু হোৱাৰ লগতে আহত হৈছে আন ৩ জন শ্ৰমিক ।

নামনিমুৱা দ্ৰুতবেগী ৰে'লৰ খুন্দাত নিহত হোৱা লোক দুজন হৈছে চাহিনুৰ ইছলাম আৰু হাফিজুল ৰহমান । আনহাতে আহত শ্ৰমিককেইজন হৈছে জাহিৰুল ইছলাম, সদাগৰ আলী ৷ অৱশ্যে বাতৰি লিখা পৰ্যন্ত জানিব পৰা হোৱা নাই আন এজন আহত লোকৰ নাম ।

জানিব পৰা মতে, আহত লোক কেইজনক উন্নত চিকিৎসাৰ বাবে ততালিকে GMCH লৈ প্ৰেৰণ কৰা হয় । তথ্য অনুসৰি গোৱালপাৰাৰ ৫ জন শ্ৰমিক কাম কৰিবলৈ ৰে'লপথৰ দাঁতিৰে খোজকাঢ়ি গৈ থাকোঁতেই সংঘটিত হয় এই হৃদয় বিদাৰক ঘটনা । এই ঘটনাক কেন্দ্ৰ কৰি তীব্ৰ চাঞ্চল্য বিৰাজ কৰে সমগ্ৰ অঞ্চলটোত । ঘটনাস্থলীত ৰে'ল আৰক্ষী উপস্থিত হৈ তদন্ত অব্যাহত ৰাখিছে ।  

লগতে পঢ়ক: ম’বাইল ফোনেৰে কথা পাতি গৈ আছিল লোক, মহতিয়াই নিলে ৰে’লে - Train Hits Man