বিশাখাপট্টনমত অনুষ্ঠিত ৰাষ্ট্ৰীয় টাইকোৱাণ্ডো প্ৰতিযোগিতাত সোণৰ পদক লাভ জেনী চেতিয়াৰ - National taekwondo Championship

মৰাণ, 8 আগষ্ট : ৰাষ্ট্ৰীয় পৰ্যায়ৰ প্ৰতিযোগিতাত সোণৰ পদক লাভ কৰি গৌৰৱ কঢ়িয়াইছে জেনী চেতিয়াই ৷ অন্ধপ্ৰদেশৰ বিশাখাপট্টনমত অনুষ্ঠিত হোৱা সপ্তম কেডেট নেশ্যনেল টাইকোৱাণ্ডো চেম্পিয়নশ্বিপত সোণৰ পদক লাভ কৰি অসমৰ লগতে মৰাণলৈ গৌৰৱ কঢ়িয়াই আনিছে খেলুৱৈ জেনী চেতিয়াই ৷  

ডিব্ৰুগড় জিলাৰ মৰাণ আহোম গাঁৱৰ মুনীন্দ্ৰ চেতিয়া আৰু প্ৰণতি চেতিয়াৰ কন্যা জেনী চেতিয়াই ৰাষ্ট্ৰীয় পৰ্যায়ৰ এই প্ৰতিযোগিতাখনৰ 148 ছেন্টিমিটাৰ শাখাত সোণৰ পদক লাভ কৰিবলৈ সক্ষম হয় ৷ পদক লাভ কৰি আজি মৰাণত উপস্থিত হোৱা খেলুৱৈগৰাকীক মৰাণহাট ৰেল'ৱে ষ্টেচনত উষ্ম আদৰণি জনাই বিভিন্নজনে ৷ সোণৰ পদক লাভ কৰি অত্যন্ত সুখী মৰাণ জাতীয় বিদ্যালয়ৰ ছাত্ৰী জেনী চেতিয়াই ভৱিষ্যতে এচিয়ান গেমচ আৰু অলিম্পিকত অংশগ্ৰহণৰ আশা ব্যক্ত কৰিছে ৷
 

লগতে পঢ়ক : পদক অৰ্জনৰ দৌৰৰ পৰা বাহিৰ : চতুৰ্থ স্থানতে ক্ষান্ত ভাৰোত্তোলক মীৰাবাঈ চানু - PARIS OLYMPICS 2024