২৬ মাৰ্চত গুৱাহাটীত ভাৰত-আফগানিস্তানৰ ফিফা বিশ্বকাপৰ কোৱালিফায়িং মেচ

গুৱাহাটী, ১৭ মাৰ্চ: অহা ২৬ মাৰ্চত ভাৰত আৰু আফগানিস্তানৰ মাজত অনুষ্ঠিত হ'ব ফিফা ফুটবল বিশ্বকাপ ২০২৬ ৰ বাবে কোৱালিফায়িং মেচ । গুৱাহাটীৰ সৰুসজাইস্থিত ইন্দিৰা গান্ধী এথলেটিক ষ্টেডিয়ামত অনুষ্ঠিত হ'ব এই খেলখন । অহা ২৩ মাৰ্চত ভাৰত আৰু আফগানিস্তানৰ ফুটবল দল দুটা উপস্থিত হ'ব অসমত‌ । আজি এক সংবাদমেলত ফুটবল সন্থাৰ বিষয়ববীয়াই এই কথা সদৰী কৰিছে ।

সংবাদমেলত ফুটবল সন্থাৰ বিষয়ববীয়াই কয় যে আজিৰে পৰা book my show এপৰ জৰিয়তে দৰ্শকৰ বাবে মুকলি কৰা হৈছে খেলৰ টিকট । ২৫০ টকাৰ পৰা আৰম্ভ কৰি ৪ হাজাৰ টকা পৰ্যন্ত টিকট উপলব্ধ হ'ব ফুটবল প্ৰেমীসকলৰ বাবে । ফুটবল সন্থাৰ বিষয়ববীয়াই কয় যে প্ৰায় ২৪ হাজাৰ দৰ্শকে একেলগে উপভোগ কৰিব পাৰিব খেল । ভাৰত আৰু আফগানিস্তানৰ ফুটবল দলে অনুশীলন কৰিব পৰাকৈ গুৱাহাটীৰ ছাই ক্ৰীড়া প্ৰকল্প ষ্টেডিয়াম আৰু সৰুসজাইৰ ফুটবল অনুশীলন ষ্টেডিয়াম সাজু কৰিছে অসম ফুটবল সন্থাই । 

লগতে পঢ়ক:ডিব্ৰুগড়ত অসম আৰক্ষী ফুটবল প্ৰতিযোগিতা